,, ნახევარი კილო ხორცი, ნახევარი პური, ნახევარი კოლოფი წამალი, ცალობით ნაყიდი კვერცხი” – საბა ბუაძე

პოლიტიკოსი საბა ბუაძე ირაკლი კობახიძის განცხადებას ეხმაურება:

,,კობახიძეს უთქვამს ნახევარი კილო ხორცი 10 ლარი ღირსო. სამომხმარებლო ფასებს როგორი აცდენილები არიან ეს ცალკე თემაა, მაგრამ თურმე ნახევარი კილო ყოფილა ის საზომი რასაც ქართული ოჯახი უნდა მოერგოს – ნახევარი კილო ხორცი, ნახევარი პური, ნახევარი კოლოფი წამალი, ცალობით ნაყიდი კვერცხი და სანახევრო ცხოვრების ხარისხი. ეს არის ის თამასა რასაც გვთხოვენ რომ დავჯერდეთ.

თუმცა თანაგრძობის და ზრუნვის ხარისხი სანახევროც კი არ გააჩნიათ მათ ვინც ჩვენგან ამ უამბიციო და უპერსპექტოვო რეალობას ნორმად გვასაღებს.

ცნობისთვის, მინიმალური სამედიცინო/ნუტრიციოლოგიური სტანდარტით ოჯახს კვირაში რამდენიმე კილოგრამი ხორცი ჭირდება. სხვა მიზეზებთან ერთად ამიტომაც ჩამოვრჩებით სიცოცხლის საშუალო ხანგრძლივობით ევროკავშირის საშუალო მაჩვენებელს მინიმუმ 7 წლით (ევროკავშირში 81.5 წელია და საქართველოში 74.5 წელი).“