ფოტო: მარიამ ნიკურაძე
სამოქალაქო აქტივისტი, სალომე სიმონია:
ბავშვს მაინც შეხედეო – ტარიელს ეხვეწებიან მეგობრები, რომ როგორმე ექიმის დახმარების მიღებაზე დაითანხმონ.
ტარიელი მე-15 დღეა შიმშილობს, აქედან 2 დღეა წყალსაც არ იღებს. დღეს ცუდად გახდა, მაგრამ მაინც ყველანაირ დახმარებაზე უარს ამბობს.ექიმმა შაქრის მაჩვენებელი 21 აქვს, დიდი რისკია კომაში ჩავარდეს, ძალიან სახიფათოა მისი მდგომარეობაო.ტარიელი ჯარისკაცი იყო და სამშობლოსთვის თავის გაწირვისთვისაც ჰქონდა მზაობა. მერე მაღაროელი გახდა, ღირსეულ სამუშაო პირობებს ითხოვდა და მეგობრები დაუჭირეს.
იმდენად უმნიშვნელო, უღირებულებო აღმოჩნდა სამშობლოსთვის ტარიელი, იმდენად ვერსად იპოვა სამართალი, მზად არის ბავშვსაც არ შეხედოს და ახლა დაჭერილი მეგობრებისთვის გაწიროს თავი.
ჭიათურაში დღეს პროტესტის 125-ე და შიმშილობის მე-15 დღეა. გაფიცული მაღაროელები უკვე დღეებია ითხოვენ ჯორჯიან მანგანეზის ჭიათურიდან გასვლა.
შიმშილობის მე-15 დღეს მაღაროელი ტარიელ მიქაცაძე შეუძლოდ გახდა.
ადგილზე სასწრაფო დახმარების ბრიგადა გამოიძახეს, თუმცა მოშიმშილე მაღაროელი უარს აცხადებს საკუთარი ჯანმრთელობის მონიტორინგზე.
ტარიელ მიქაცაძე გუშინს შემდეგ მშრალ შიმშილობაზეა.
მათი მთავარი მოთხოვნა დაკავებული 4 მაღაროელის: მერაბ სარალიძის, არჩილ ჭუმბურიძის, გიორგი ნეფარიძისა და თენგიზ გველესიანის გათავისუფლებაა. მოშიმშილეთა შორისაა დაკავებული მერაბ სარალიძეც.
ამჟამად შიმშილობს 7 ადამიანი: ტარიელ მიქაცაძე , სიმონ მიქაცაძე ჯანო ლაბაძე , მერაბი სარალიძე (ციხეში).
ხოლო სამ მათგანს: მირზა ლოლაძეს, გოგა აბესაძეს, შავლეგი გოგსაძეს პირი აქვს ამოკერილი.
კომენტარები