მთავრობამ უკრაინაში, საფრანგეთსა და პოლონეთში ჩასვლაზე უარი მითხრა – ზურაბიშვილის

საქართველოს პრეზიდენტმა, სალომე ზურაბიშვილმა, ბრიუსელიდან განცხადება გააკეთა და თქვა, რომ საქართველოს ხელისუფლების კომენტარებმა რეზოლუციაზე, საშუალება არ მისცა, დაეცვა ქვეყნის კანდიდატურა. მან ისაუბრა იმაზეც, რომ არ ეძლევა სხვა ქვეყნებში ოფიციალური ვიზიტით გამგზავრების საშუალება:

“მე მინდოდა ჩასვლა კიდევ საფრანგეთში, პოლონეთში და შესაძლებელია უკრაინაშიც, რომელთან ერთადაც ვართ ამ საქმეში და რომლის მადლიერიც უნდა ვიყოთ თუ არა, არ იქნებოდა დღეს დაჩქარებული კანდიდატურის პროცესი, მაგრამ მივიღე კიდევ ერთი უარი ამ მოგზაურობაზე და მე თვითონაც, რადგანაც მითხრეს, რომ თურმე მთავრობამ უკვე ყველაფერი გააკეთა ჩვენი კანდიდატურის მხარდასაჭერად და აღარ იყო საჭირო ზედმეტი აქტიურობა, ჩავთვალე, რომ ალბათ არ არის მიზანშეწონილი, ეს არ არის ის საქმე, სადაც მე შემიძლია მარტო გადავარჩინო მთლიანად მთავრობის უმოქმედობა.

მე ვთვლი, რომ ვარ პასუხისმგებელი კონსტიტუციის წინაშე, რამეთუ კონსტიტუციის 78 -ე მუხლი მავალდებულებს, რომ ყველაფერი გავაკეთო, რაც შესაძლებელია იმისთვის, რომ წინ წავწიოთ ეს პროცესი, მე არ მჯერა რამე სხვა მომავალი არსებობდეს საქართველოსთვის თუ არა ევროპული მომავალი.”