შსს–ს ყოფილი მაღალჩინოსანი, პარტია “საქართველოსთვის” პოლიტსაბჭოს წევრი, ნათია მეზვრიშვილი:
“დღეს ადამიანის უფლებების დღეა. მთავრობამ განცხადება გაავრცელა, სადაც ნათქვამია, რომ ამ ხელისუფლების მიზანია, კონსტიტუციური უზენაესობის და ადამიანის უფლებების განუხრელი დაცვა და შემდეგ ამ ღირებულებებისადმი ერთგულების დასტურად მოჰყავთ შემუშავებული თუ შესამუშავებელი სტრატეგიები და სამოქმედო გეგმები.
ამ განცხადებას ავრცელებს მთავრობა, რომელმაც:
გააუარესა ადამიანების ფარული მოსმენის სტანდარტი, რის გამოც ვენეციის კომისიის კრიტიკა დავიმსახურეთგააუქმა სახელმწიფო ინსპექტორის სამსახური, რომლის მთავარი ფუნქცია მოხელეთა მხრიდან ადამიანზე ძალადობის ფაქტების დამოუკიდებელი გამოძიება იყოსამსახურიდან პოლიტიკური ნიშნით გაათავისუფლა ასობით ადამიანი და დღემდე არაფერი გამოუძიებიამიიღო კანონი, რომელმაც ინდივიდუალური მოსამართლის გამოხატვის თავისუფლება შეზღუდაგააჩერა სასამართლოს დამოუკიდებლობისკენ, გამოძიების ხარისხის გაზრდისკენ მიმართული რეფორმები, რაც პირდაპირ არის დაკავშირებული ადამიანის უფლებების დაცვასთანმოაწყო 05-06 ივლისი და დღემდე არ დაუსჯია ძალადობის ორგანიზატორები და ხელმძღვანელებიდღის წესრიგიდან გააქრო ადამიანის უფლებების პრიორიტეტულობაწესად აქცია უფლებადამცველებზე, ჟურნალისტებზე თავდასხმა და ა.შ. ჩამონათვალი უსასრულოდ შეიძლება გაგრძელდეს.ეს ყველაფერი ადასტურებს, რომ ხელისუფლებისთვის სიტყვა და საქმე სხვადასხვა რამეა და ადამიანის უფლებების დაცვა უზრუნველყოფილი მხოლოდ ლამაზი კანონებით, სტრატეგიებით და სამოქმედო გეგმებით (რაც მნიშვნელოვანია, მაგრამ არასაკმარისი) ვერ იქნება.”
კომენტარები