ეკონომისტი ოთო აბესაძე 563 ყალბი მონეტის დამზადებისთვის მოქალაქის დაკავებას ეხმიანება:
„დააკავეს კაცი, რომელმაც 563 ერთ ლარიანი მონეტა დაამზადა (ყალბი) და გაუშვა მიმოქცევაში. ხალხო, ამ ადამიანს 563 ლარი არ ეპატიება და მთავრობა რომ ყოველ წელს საშუალოდ 2 მილიარდი ლარით მეტს ბეჭდავს და უშვებს მიმოქცევაში ეს ამაზე 10000 ჯერ დიდი დანაშაული რომ არის იცით? თან თითოეული თქვენგანის წინაშე“ – წერს ოთო აბესაძე.
ცნობისთვის, საქართველოს ფინანსთა სამინისტროს საგამოძიებო სამსახურის თანამშრომლებმა ყალბი მონეტების დამზადება-გამოყენების გზით, სხვისი ქონების მოტყუებით დაუფლების ფაქტზე ერთი პირი დააკავეს.
გამოძიებით დადგინდა, რომ ბრალდებულმა კუსტარულად დაამზადა 563 ცალი 1-ლარიანის ფორმისა და ზომის მონეტა, რომელიც სწრაფი ჩარიცხვის აპარატების გამოყენებით, ჩარიცხა თავისი მეუღლის ანგარიშზე, საიდანაც შემდგომში მოხდა მისი განაღდება.
კომენტარები