ფსიქოლოგი, ფსიქო-ცენტრ კამარას დამფუძნებელი ნათია ფანჯიკიძე სოციალურ ქსელში წერს, რომ თუ “რაციონალურმა” ქვეყნებმა თუ სრული სიცხადით არ დაინახეს უკრაინაში რეალობა, გაზი მალე აღარავის დასჭირდება.
“ხო ჩემო ბატონო, რუსეთი დამთავრდა.
მთავარია, დაუმარხავმა გვამმა გახრწნისას პლანეტა არ წაიყოლოს.
დამარხვა უნდა მოხერხდეს, თორემ პერსონალურ სუიციდს, რომლის განხორციელებაც დაიწყო, არ დასჯერდება, გაფართოებულ სუიციდს მოაწყობს, რომ აღარავინ დარჩეს ცოცხალი მის შემდეგ.
ეს უნდა ესმოდეთ გერმანიას, საფრანგეთს და სხვა “რაციონალურ” ქვეყნებს, ჯერ კიდევ ყოფითი საკითხებით რომ არიან მოცული და გაზის შემოკლება ჰგონიათ მთავარი საფრთხე თავიანთი უდარდელი ცხოვრებისთვის.
თუ სრული სიცხადით არ დაინახეს რეალობა, გაზი მალე აღარავის დასჭირდება”, – წერს ფანჯიკიძე.
კომენტარები