“მთავარია, არ იყოს ღალატი ოპოზიციის რიგებში”

პოლიტიკოსი, ირინა სარიშვილი, სოციალურ ქსელში, წერს:

“ამ წუთას დავბრუნდი აქციიდან. მიხარია, რომ საბრძოლო განწყობაა. აქცია არ იშლება და დღეის სწორს – მომავალ კვირას შედგება ფართომასშტაბიანი საპროტესტო აქცია.

არავინ აპირებს ივანიშვილის დალაგებულ პარლამენტში შესვლას. უნდა დაიშალოს ცენტრალური საარჩევნო კომისია, რისთვისაც საჭიროა რომ ყველა ოპოზიციურმა პარტიამ გამოიწვიოს საკუთარი წარმომადგენელი, რის შემდეგაც ეს კრიმინალური კომისია შეწყვეტს ფუნქციონირებას.

ყველაფერი ისე მიდის, როგორც უნდა იყოს.

მთავარია არ იყოს ღალატი ოპოზიციის რიგებში.

მე, სამწუხაროდ, ყოველთვის ვერ შევძლებ მთელი დღით და ღამით აქციაზე ყოფნას, მგრამ ვისაც ეს შეგიძლიათ, ყველას გთხოვთ – არ დაიზაროთ და მოდით რუსთაველზე ამ დღეების განმავლობაში, სადაც ჩვენი შვილების მომავლის ბედი წყდება. ყველა ერთად უნდა ვიყოთ და ჩვენი ერთობა აუცილებლად გაიმარჯვებს!”