მთავარი ოპოზიციური პარტია პარლამენტის თავმჯდომარესთან ერთად უკრაინაში არ წავა. მას შემდეგ, რაც შალვა პაპუაშვილმა დელეგაციაში ყოფნა ყველა ოპოზიციურ პატიას შესთავაზა, ,,ნაციონალურ მოძრაობაში” აზრები ორად გაიყო, თუმცა სულ რამდნეიმე წუთის წინ ოპოზიციურმა პარტიამ გადაწყვეტილება საბოლოოდ მიიღო და დელეგაციას ეთიშება.ამაზე, ცოტა ხნის წინ ოფიციალური განცხადება გააკეთა ფრაქცია ,,ნაციონალური მოძრაობის” თავმჯდომარემ, ხატია დეკანოიძემ. ის აცხადებს, რომ ,,ენმ” არ აპირებს იმ დელეგაციაში ყოფნას, რომელსაც შალვა პაპუაშვილი ხელმძღვანელობს, თუნდაც მასში ოპოზიციური პარტიები იყვნენ.
ხატია დეკანოიძე აცხადებს, რომ მისი პარტიის წევრები უკვე იმყოფებოდნენ უკრაინაში და სამომავლოდაც იქ ჩასვლის პრობლემა არ აქვთ.
“შიდა გარჩევები უკრაინაში წასვლასთან დაკავშირებით ნამდვილად უხერხულია! ამ დელეგაციის შემადგენლობაში ჩვენი ფრაქციის წევრები არ იქნებიან. რაც შეეხება ვიზიტს, მე ჩავალ კიევში, ბევრჯერ ჩავალ, აქამდეც ვიყავი.
შეხედულებები ჩვენ ,,ქართულ ოცნებასთან” დაკავშირებით არ შეგვცვლია. განსაკუთრებით იმ წერილის შემდეგ, რაც პაპუაშვილმა რადას თავმჯდომარეს, სტეფანჩუკს, გაუგზავნა.
რაიმე სახის პოლიტიკურ პასუხისმგებლობას აქ ვერ ვხედავ, განსაკუთრებით ჩვენი პარტიის მიმართებაში.”
კომენტარები