მტერთან შეუპოვარი ბრძოლის და თავდადების მაგალითი თავად სამეგრელო და მეგრელებია, ნაციონალური მოძრაობა კი არის უბრალო და მარტივი სირცხვილი – ირაკლი თხილაიშვილი

ჟურნალისტი ირაკლი თხილაიშვილი სოციალურ ქსელში წერს:

„მელიას უთქვამს, აქტიური ადამიანების გარდა, მეგრელები 2008 წელს არ იბრძოდნენო. ჩვენი სირცხვილია, როდესაც პარტია, რომელმაც ტერიტორიები მტერს ჩააბარა და ამ ტერიტორიებს მალევე “ქვების გროვა” შეარქვა, ბედავს და 2008 წლის ომზე საუბრობს. როდესაც მთავარსარდალი ჰალსტუხს ჭამდა ან ფრონტის სიახლოვეს საქვეყნოდ, შიშისგან მიწაში ძვრებოდა, პარლამენტის თავმჯდომარე მეგრელებს დანებით და ჩანგლებით ბრძოლისკენ მოუწოდებდა. როდესაც მეგრელებს დანებით და ჩანგლებით უნდა ეომათ, ქვეყნის თავდაცვის უქონელი მინისტრი, მულტიმილიონერად ყალიბდებოდა. წაგებული ომის შემდეგ, უქონლად მოსული კეზერაშვილი, თანამდებობას ტოვებს, როგორც საქართველოს ერთ-ერთი უმდიდრესი ადამიანი. კეზერაშვილი, რომელიც ამჟამად, ტელეკომპანია „ფორმულას“ 51%-იანი წილის მფლობელია, 7 სექტემბერს უზენაესმა სასამართლომ დამნაშავედ ცნო 5 მლნ ევროზე მეტი თანხის გაფლანგვაში. დღეს, იგივე ფორმულას ეთერში ხალხს მორალს უკითხავენ.მსოფლიოს უახლეს ისტორიაში, ცოტა მოიძებნება ხალხი, რომელმაც მეგრელებზე მეტი გადაიტანა. თანამედროვე ქართული პატრიოტიზმის, ქვეყნის ერთიანობის, მტერთან შეუპოვარი ბრძოლის და თავდადების მაგალითი თავად სამეგრელო და მეგრელებია, ნაციონალური მოძრაობა კი არის უბრალო და მარტივი სირცხვილი“ – წერს თხილაიშვილი.