მსუსხავი ეფექტი აქვს 5 ნომერს, იმიტომ, რომ ბევრია ოპოზიციურად განწყობილი ადამიანი, მაგრამ არასდროს მხარს არ დაუჭერს „ნაციონალურ მოძრაობას”, – ამის შესახებ „სტრატეგია აღმაშენებელის” ლიდერმა, გიორგი ვაშაძემ მერობის საერთო კანდიდატთან დაკავშირებით განაცხადა.
„თუ დავჯგუფდებით ყველა ერთად ასეთ შემთხვევაში ოპოზიცია დამარცხდება რეფერენდუმში და ჩემთვის მთავარი არის რეფერენდუმი, არ შეცვლილა ეს ამოცანა პროტესტის პირველი დღიდან, როდესაც ბოიკოტი გამოვუცხადე პარლამენტს. იმის მერე ვითხოვ რიგგარეშე არჩევნებს და რეფერენდუმში უნდა გავიმარჯვოთ იმისთვის, რომ რიგგარეშე არჩევნები დაინიშნოს,” – განაცხადა გიორგი ვაშაძემ.
შეგახსენებთ, ოპოზიციის გარკვეული ნაწილი მერობის კანდიდატად დღეს ნიკა მელიას წარადგენს. გადაწყვეტილებას არ ეთანხმება ოპოზიციის სხვა ნაწილი. მათ შორის „სტრატეგია აღმაშენებელი” და „გირჩი”.
კომენტარები