მსოფლიოში კორონავირუსით გარდაცვლილთა რიცხვმა 4.5 მილიონს გადააჭარბა. მათგან 7100-ზე მეტი საქართველოში დაიღუპა.
100 ათას მოსახლეზე სიკვდილიანობის მაჩვენებლით პირველ ადგილზე საქართველოა.
სულ მსოფლიოში COVID 19-ის 216 766 751 შემთხვევა დადასტურდა, მათგან 540 ათასზე მეტი საქართველოში.
ამ ეტაპზე მსოფლიოში კორონავირუსი ერთდროულად 18.5 მილიონ ადამიანს აქვს. მათი 99.4% მსუბუქი ან საშუალო სიმძიმისაა.
მეცნიერთა, ექიმთა თქმით, კვლევებით დადასტურებულია, რომ კორონავირუსის გართულებებისგან და სიკვდილისგან აცრა იცავს. მსოფლიოში ვაქცინის 5.2 მილიარდი დოზა გაკეთდა. აცრა არ იცავს დაინფიცირებისგან, თუმცა, ადამიანებს ეხმარება ვირუსის მსუბუქად გადატანაში. ის რეკომენდირებულია ორსულებისთვის და უსაფრთხოა როგორც დედისთვის, ისე ნაყოფისთვის ფეხმძიმობის ყველა ვადაზე.
საქართველოში ამ ეტაპზე 3 სახეობის ვაქცინაა ხელმისაწვდომი: ფაიზერი, სინოვაკი და ასტრაზენეკა 45 წლის ასაკს ზემოთ ადამიანებისთვის.
მეოთხე დასახელების – სინოფარმის ვაქცინაზე ამ ეტაპზე დარეგისტრირება მხოლოდ მეორე დოზაზეა შესაძლებელი.
- აცრაზე დასარეგისტრირებლად გამოიყენეთ ბმული: booking.moh.gov.ge
- რეგისტრაცია ასევე შესაძლებელია იუსტიციის სახლებში.
- აცრა კეთდება რეგისტრაციის გარეშე, ცოცხალი რიგითაც.
წყარო – ფორმულა
კომენტარები