ჟურნალისტი, გრინ ბარეტი:
ბაკურ კვეზერელი თუ გახსოვთ, აი ის, მოზვერზე რომ იკითხა, – მამალი ძროხააო?.. – და ამ დროს არც მეტი არც ნაკლები – სოფლის მეურნეობის მინისტრი იყო?..
ხოდა ჩასულია ეს პატივცემული ბატონი გურიაში და ტელეკამერების წინ ყანაში გლეხებს მოძღვრავს ინტერნეტში ამოკითხული მორიგი “სიბრძნეებით:”
– ამერიკელმა მეცნიერებმა დაადგინეს, რომ გვალვის წინააღმდეგ ყველაზე ეფექტური ბრძოლა, – ყანების ხშირი თოხნაა!..
— რაიო?!! – საკუთარ ყურებს მაინც არ ენდო ერთი გლეხი
-დიახ, – დაბეჯითებით გაიმეორა მინისტრმა, – ყანის ერთხელ გათოხნა, ორჯერ მორწყვას უდრის!!!
– ბატონო, – ხელის აწევით მიმართა თოხის ტარზე ნიკაპჩამოდებულმა, ოფლში გახვითქულმა მეორე გლეხმა, – კითხვა მაქ ერთი თუ შეიძლება.
– შემეკითხეთ, შემეკითხეთ, ნუ გერიდებათ! – შეაგულიანა ბ-ნმა ბაკურმა.
– რაც გვალვები დეიწყო, აი ყანა ერთხელ ქე გავთოხნე უკვე და, – კიდომ რომ ვქნა, – ძალიან ხომ არ ატალახდება?…
/გრინ ბარეტი/ “გურული ამბები”
კომენტარები