ანალიტიკოსი, დავით ზარდიაშვილი:
“მოქალაქეობა სახელმწიფოსთან სამართლებრივ ანუ – სჯულისმიერ კავშირსა ნიშნავს. სააკაშვილი საქართველოს მოქალაქე არ არის, მას ჩვენს სახელმწიფოსთან არანაირი სჯულისმიერი იდენტობა არ აკავშირებს. ავტომატურად – არც არავითარი უფლება არა აქვს, საქართველოს საშინაო საქმეებში რაიმე ფორმით მონაწილეობდეს, ანდა მითუმეტეს – ჩაერიოს. ეს არ არის მხოლოდ ფორმალურ-იურიდიული, არამედ – თუკი ჩვენ ერი-სახელმწიფო ვართ, უპრინციპულესი საკითხია! სააკაშვილის იდენტობა გახლავთ ნაცობა, რაც იმთავითვე – ერი- სახელმწიფოს ნაცვლად “საკუთარ მოგებზე ორიენტირებული კორპორაციის” (ციტატაა ნაცების იდეოლოგიური მრწამსიდან, რაც 2000 წელს გამოქვეყნდა) გაბატონებაა ამ ტერიტორიაზე. მას – არა ერი-სახელმწიფოს, არამედ ნაც-კორპორაციის იდენტობა აქვს და დღემდე მიიჩნევს საკუთარ თავს ამ კორპორაციის დამფუძნებლადა და უცვლელ დირექტორად (შესაძლოა – ხაზინადარადაც). გამაოგნებელია მისი უტიფრობა, როცა გაბედა, ქვეყანაში შემოიპარა და მიუხედავად იმისა, რომ ამჟამად პატიმარია და სასჯელს იხდის, როგორც მსჯავრდებული ბოროტმოქმედი, ბედავს და კვლავაც მასობრივი არეულობის მოწყობის მთავარი ორგანიზატორია! ეს მართლაცდა აბუჩად აგდებაა, უკიდურესი შეურაცხყოფაა და არც ერთ ქართველს, მით უმეტეს – საქართველოს სახელმწიფოს მის მიმართ არა მხოლოდ რაიმე თმენის ვალდებულება არა აქვს, არამედ პირიქით: იგი, როგორც ქვეყნის არევის მოთავე, კვლავაც უმძიმეს ბოროტმოქმედებას სჩადის და მისი ყველა ქმედება, ამ ფსევდო-შიმშილობის ჩათვლით, ისევ და ისევ განგრძობადი დანაშაულია. სახელმწიფოს ვალდებულებაა აღკვეთოს ეს დანაშაული და აქ დაყოვნება, თმენა და მისთვის სასათბურე, პრივილეგირებული პირობების შექმნა, სრული დოყლაპიობაა და არავითარი კავშირი დემოკრატიასთან თუ სააკაშვილის, როგორც ადამიანის (ნებისმიერი ბოროტმოქმედიც – ცხადია, მაინც ადამიანია), უფლებების დაცვასთან არა აქვს!
მოუწოდებ სახელმწიფოს იმოქმედოს კანონის შესაბამისად და ამ საარაკო ბოროტმოქმედს, სახელმწიფოს ისეთ მტერს, რომელიც საქართველოს ისტორიას ალბათ არც ახსოვს, დაუყოვნებლივ და უყოყმანოდ, როგორც არამოქალაქესა და თავისუფლებაშეზღუდულ მსჯავრდებულს, დაუხშოს საინფორმაციო ღრუ!
ყოვლად დაუშვებელია, აბსოლუტურად შეუწყნარებელია, რომ სააკაშვილს რეალურად აქვს “სიტყვისა და გამოხატვის” უკიდურესად ბოროტად გამოყენების თავისუფლება და პრაქტიკულად არ ეზღუდება შესაძლებლობა, გააგრძელეოს სახელმწიფოს წინააღმდეგ ძირგამომთხრელი პოლიტიკური საქმიანობა, ხოლო ჩვენ, ქვეყნის მოქალაქეები და სახელმწიფო ამდენს ითმენს! როდემდე?!
ელემენტარული უსაფრთხოება მოითხოვს, ყველა წერილობითი თუ ზეპირი კომუნიკაცია, რომელიც პირდაპირ და უშუალოდ არ არის დაკავშირებული მისი, როგორც მსჯავრდებულისა და ბრალდებულის უფლებების დაცვასთან, პოლიტიკური შინაარსისაა და სრულიად აშკარად, დაუფარავად ძირგამომთხრელ საქმიანობას წარმოადგენს, ულაპარაკოდ უნდა აღიკვეთოს! ეს შეიძლება მარტივად, ისე გაკეთდეს, რომ პატიმარის არანაირი უფლება არ შეიზღუდოს: საკმარისი იქნება სააკაშვილის პოლიტიკური შინაარსის მოწოდებებისა თუ “ბრძანებების” გავრცელებისათვის პასუხი აგონ!”
კომენტარები