“მოვითხოვ, განლაგდნენ შესაბამისი სტრუქტურების წარმომადგენლები მცხეთა-მთიანეთში, ზემო იმერეთსა და რაჭაში” – რა საფრთხეზე საუბრობს დავით ქაცარავა

მოძრაობა “ძალა ერთობაშიას” ლიდერი დავით ქაცარავა:

რამდენიმე დღის წინ მცხეთა-მთიანეთში, სოფელ გრემისხევის თავზე ვიპოვეთ ეს საგუშაგო, რომელზეც ხელისუფლებამ გვითხრა – უფ, ეს ვიცითო, ძველიაო…

დღეს კიდევ ერთხელ გადავამოწმეთ ეს ინფორმაცია ამ საგუშაგოსთან დაკავშირებით უცხოელ ექსპერტთან, რომლის ინტერვიუს მალე იხილავთ ჩვენს მიერ მომზადებულ დოკუმენტურ ფილმში “ოკუპაციის ქრონიკები”.

მან დაადასტურა, რომ ესეთი ტიპის საგუშაგოები აბსოლუტურად ახალია რუსორკების პრაქტიკაში და რუსების ოკუპაციის ხაზზე პატრულირების გააქტიურებას მოასწავებს.

კიდევ ერთხელ მოვითხოვ, განლაგდნენ შესაბამისი სტრუქტურების წარმომადგენლები მცხეთა-მთიანეთში, ზემო იმერეთსა და რაჭაში.

პრობლემის იგნორირება პრობლემას არ გადაწყვეტს.

რუსი არ გაჩერდება მხოლოდ იმიტომ, რომ ხელისუფლება თვალს ხუჭავს მათ აგრესიაზე.

კიდევ ერთხელ გავმეორდები – ჩვენს ხელისუფლებას არ გააჩნია არანაირი ხედვა, თუ როგორ უნდა შეაჩეროს მცოცავი ოკუპაცია. ეს უკეთეს შემთხვევაში.

ხოლო უარეს შემთხვევაში ეს ხელისუფლება ხელს უწყობს აგრესორს ჩვენი ქვეყნის მცოცავ ოკუპაციაში.