ნაციონალური მოძრაობის წევრი, ზვიად კუპრავა:
“სააკაშვილის თითქმის ყველა სასამარლო პროცესს ვესწრები. რადგან არანაკლებ მნიშვნელოვანია ნიუანსები, რაც ტვ-ეთერებს მიღმა რჩება.
მრჩება შთაბეჭდილება, რომ მოსამართლე ორივე შესაძლო ვარიანტისთვის ემზადება. როგორც პაციენტი პრეზიდენტის გადასარჩენად, ასევე, მისთვის სასიკვდილო განაჩენის გამოსატანად. გადაწყვეტილებას კი იმ დროისთვის არსებული პოლიტიკური ვითარებიდან გამომდინარე გამოიტანს.
ყველა შემთხვევაში, პროცესი პოლიტიკურია.
ამიტომ, ჩვენც უნდა მოვემზადოთ ყველა შესაძლო ვარიანტისთთვის. პროცესი ჩემი გათვლებით 2 კვირაში, მაქსიმუმ 20 დღეში დასრულდება.
ხშირად მსმენია და ფეისბუქზეც წამიკითხავს, რა შეიძლება გავაკეთოთ ჩვენ მიშასთვის?!
პასუხი:
უნდა მოვემზადოთ განაჩენისთვის!
ადრეც დავწერე, როდესაც ეს სასამართლო პროცესები დაიწყო და ახლაც დავწერ განმეორებით, ყველას გასაგონად.
2 კვირა სრულიად საკმარისია. განაჩენის დღეს 100 ათასი კაცი შევიკრიბოთ რუსთაველზე და ყველამ ერთად, დიდ ეკრანზე მოვისმინოთ გადაწყვეტილება.
თუ მოსამართლე მიიღებს სამართლიან გადაწყვეტილებას, ერთად დავუკრათ ტაში და მადლობა გადავუხადოთ მას.
და თუ მოხდა პირიქით და სააკაშვილს გამოუტანეს სასიკვდილო განაჩენი, ყველა შესაძლო და ლეგიტიმური მეთოდებით წინ აღუდგეთ შუასაუკუნეების მეთოდით სიკვდილით დასჯის პროცესს.
ეს არის ჩვენი მორალური, პოლიტიკური და სამოქალაქო პასუხისმგებლობა.
წინ 2 კვირა გვაქვს.
თავისუფლება მიშას!”
კომენტარები