საქართველოში შიდა ტურიზმის გახსნასთან დაკავშირებით, საქართველოს პრეზიდენტი, სალომე ზურაბიშვილი, ქვეყნის სხვადასხვა კუთხეს სტუმრობს და ღირსშესანიშნაობების მონახულებითაა დაკავებული.
ზურაბიშვილი ციხისძირის მონახულებისას ქაჯეთის/პეტრას ციხესაც ესტუმრა. ამის შესახებ პრეზიდენტმა სოციალურ დაწერა:
ქაჯეთის ციხე/ პეტრა – ციხისძირი”
2018 წლის სექტემბერში ზურაბიშვილმა ერთ-ერთ წინასაარჩევნო შეხვედრაზე თქვა:
“მოვდივარ ქაჯების დასათხოვნად, იმიტომ რომ ბოღმა, ტყუილი, სიძულვილი, ეს ყველაფერი უკვე ყელში ამოვიდა…”
ზურაბიშვილმა მაშინ ისიც თქვა, რომ დროა გადავიდეთ “ნამდვილ 21-ე საუკუნეში, გაჩხერილები ვართ…”
შეგახსენებთ, 2018 წელს უკვე “ოცნება” იყო ხელისუფლებაში… და მიუხედავად იმისა, რომ სალომე ზურაბიშვილი დამოუკიდებელ კანდიდატად იწოდებოდა, სწორედ “ოცნების” მხარდაჭერამ შეასრულა გადამწყვეტი როლი, მის გაპრეზიდენტებაში. მეტიც, ბილბორდებზე ზურაბიშვილის კი არა, ივანიშვილის ფოტოები იყო გაკრული…
გაჩხერილები ვართ ისევ თუ არა და დაითხოვა თუ არა ზურაბიშვილმა ქაჯები უცნობია, მაგრამ სიმბოლურია, რომ პრეზიდენტს ქაჯეთის ციხის მონახულება არ დაავიწყდა…
ეჰ, იმ ანდაზის არ იყოს, რა მიჰქონდა, რა მოჰქონდაო, ისეა, ხალხის საქმე, ვინმემ გვითხრას რა დაუჯდება პრეზიდენტს ეს ტური და გეტყვით, რამდენი ადამიანს შეეძლება მსგავსი მოგზაურობის უფლება მისცეს თავს…
კომენტარები