ძალოვანი სისტემის ყოფილი მაღალჩინოსანი, ლევან ნიკოლეიშვილი:
“იმ ყეფა თუ წკმუტუნის ფონზე, რაც ბიძინა ივანიშვილის დასანქცირებასთან თუ მის დეოლიგარქიზაციასთან გვესმის დღეს კიდევ ერთი ინფორმაცია გასაჯაროვდა მისი უფლებადამცველის მიერ. კერძოდ კი საქმე ეხება ბატონი ივანიშვილის კიდევ ერთ სასამართლო პროცესზე გამარჯვებას, ამჯერად სინგაპურში. ეს თითქოს არც გვიკვირს, ერთი უბრალო მიზეზიდან მისი მტკიცე ხასიათიდან და სიმართლიდან გამომდინარე. აქ უფრო გასაკვირი რამდენიმე საგულისხმო ფაქტია:
• სულ ახლახან „კრედიტ-სიუსმა“ აღიარა დანაშაული, და 607,35 მილიონი დოლარი დეპოზიტზე განათავსა, ხოლო მის აღებას მოსარჩელე შეძლებს, მას შემდეგ როცა სასამართლოში ყველა დავა ამოიწურება( საინტერესოა,მერე რას მოიფიქრებენ)
• დანაშაულში მხილებული ბანკის მაღალჩინოსანს, ჯერ მცირე ხნით ციხეში ისტუმრებენ, მერე მალევე ათავისუფლებენ, და საბოლოოდ კი იგი თვითმკვლელობით ასრულებს სიცოცხლეს! • წამყვანი მედია საშუალებები, ისეთები როგორიცაა „Bloomberg“-ი, „Reuters“-ი, “Financial Times”-ი, “The Wall Street Journal“-ი, აშუქებენ ამ ფაქტებს, და ისე როგორც შეეფერება ჭეშმარიტ მედიას, საზოგადოებას ფაქტებით ინფორმაციით მომარაგებას ახორციელებენ.
• სამარცხვინოდ გარინდულია შვეიცარიის მედია, როგორც ჩანს ბანკების გავლენა მათზე იმდენად დიდია ჩირგვებში ყოფნას ამჯობინებენ!
• ჩვენი „საამაყო“ და „კრიტიკული მედია“, აი აქ ხდება სრული კატასტროფა, იმას რასაც ცნობს საერთაშორისო სასამართლოები, იმას რასაც გვიყვებიან მსოფლიოს წამყვანი მედია საშუალებები, ცოცხალი თავით არ ცნობს და არ გვეუბნება რადიკალური ოპოზიციის ტელევიზიები.
თუ ბიძინა ივანიშვილი მართალია, შესაბამისად სხვა მათ მიერ მოგონილ სიბინძურებთან ერთად, მისი ოლიგარქობის თემაც საპნის ბუშტივით ქრება, და ეს ისედაც სახელგატეხილი ტელევიზიები თავის მეპატრონე-„ჟურნალისტებ“-რესპონდენტებიანათ კიდევ ერთხელ გაბანძდებიან!
! ერთი მნიშვნელოვანი დეტალი(მოგეხსენებათ, ეშმაკი სწორედ დეტალებშია), იყო მცდელობები რამენაირად მორიგებოდნენ ბიძინა ივანიშვილთან, მორიგებოდნენ მისივე კუთვნილი ფინანსების სანაცვლოდ, დიდი უბედურების ცოდვა ეტვირთა მას, მაგრამ ვინც მას იცნობს, კარგად იცის არც მილიონებზე, არც მილიარდებზე ეს ადამიანი არც სამშობლოს გაცვლიდა, არც მშვიდობას და სტაბილურობას, რაც აგერ უკვე 10 წელია ჩვენ ქვეყანაშია დამკვიდრებული!
თუმცა, სად წავლენ მოუწევთ ვიოლა-ფონ კრამონიზაცია ანუ მიქარვის მერე თავის მართლების რეჟიმში გადასვლა!”
კომენტარები