“მოსწავლეებსა და სტუდენტებს ვინც ებრძვის, ის რუსია ულაპარაკოდ” – სანაია

ჟურნალისტი, ვახო სანაია:

რამხელა ბედნიერებაა, რომ ჯენზი ილიას, აკაკის, ვაჟას ფოტოებითა და ფრაზებით მართავს აქციებს. პლაკატებზე უწერიათ, რომ
თავისუფლების შოვნაი სჯობს საშოვნელსა ყველასა.
მათივე თანატოლი გმირის მარო მაყაშვილის სიტყვებს ამბობენ, რომ სახელოვნად გაიმარჯვებენ. ციტირებენ მერაბსა და ზვიადს. 9 აპრილის წამებულთა სულები დაგვცქერიან ჩვენ და ხარობენ ზეციურ ნათელშიო – ესეც გაიხსენეს.

ერთი ბეწო პათეტიკა არ იგრძნობა, მთლიანად ნამდვილია და აღგაფრთოვანებს. როგორი მყარი ნიადაგი შექმნეს ჩვენმა დიდმა წინაპრებმა.

ჩვენ (თუნდაც ჩემს თაობას ვგულისხმობ) ბევრ რამეს არასწორად გვასწავლიდნენ და მოგვიანებით გავაცნობიერეთ, თურმე რა ხალხი გვყოლია წარსულში, ჯენზიმ კი ეს ამთავითვე იცის. წარსულთან აღადგინეს ახალი საქართველოს კავშირი.

ამ საგანძურსა და იმედს – მოსწავლეებსა და სტუდენტებს ვინც ებრძვის, ის რუსია ულაპარაკოდ და, ცხადია, დამარცხდება მათთან ბრძოლაში. გინდათ გაიგოთ, რუსეთისკენაა თუ საქართველოსკენ ადამიანი – უბრალოდ ჰკითხეთ აზრი ჯენზიზე.