“Прайм Крайм”-ის ინფორმაციით, მოსკოვის გარეუბან ხიმკის სასამართლომ 61 წლის თბილისელ “კანონიერ ქურდს” დავით ფანჩვიძეს (მეტსახელად “პანჩო”) დიდი ოდენობით ნარკოტიკების შენახვისათვის 2 თვიანი წინასწარი პატიმრობა მიუსაჯა.
პანჩოს სამართალდამცავებმა რამდენიმე დღის წინ დიდი ოდენობით ჰეროინით დააკავეს. დანაშაული 3-დან 10 წლამდე პატიმრობას ითვალისწინებს.
საბჭოთა პერიოდში პანჩო 4-ჯერ იყო გასამართლებული – 3-ჯერ თბილისში და ერთხელ დონეცკში.
სსრკ-ს დაშლის შემდეგ იგი 5-ჯერ დააკავეს ქურდულ თავყრილობებში მონაწილეობისთვის, თუმცა არასდროს დაუპატიმრებიათ.
2007 წლიდან დღემდე პანჩო 2-ჯერ იჯდა ციხეში, საერთო ჯამში 10 წლის განმავლობაში. ბოლოს იგი ციხიდან 2019-ში გამოვიდა და ხიმკებში დასახლდა.
კომენტარები