ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი ამბობს, რომ რუსული დრონის გალაცში, საცხოვრებელ ბინებზე ჩამოვარდნა რუმინეთის სუვერენიტეტისა და ევროპის საჰაერო სივრცის სერიოზული დარღვევაა.
როგორც კალასი სოციალურ ქსელში წერს, დღეს დილით რუმინეთის საგარეო საქმეთა მინისტრს, ოანა ცოიუს ესაუბრა, რათა რუმინეთის მიმართ ევროკავშირის სრული სოლიდარობა გამოეხატა.
ევროპელი პოლიტიკოსი ამბობს, რომ მოსკოვს ევროპის საჰაერო სივრცის დაუსჯელად დარღვევის უფლება არ უნდა მიეცეს.
„რუსეთმა დიდი ხანია შეწყვიტა საზღვრების პატივისცემა. მოსკოვს არ უნდა მიეცეს ევროპის საჰაერო სივრცის დაუსჯელად დარღვევის უფლება. ევროკავშირის საგარეო საქმეთა მინისტრებმა გუშინ პირობა დადეს, რომ გააძლიერებენ ზეწოლას რუსეთზე, გაზრდიან მხარდაჭერას უკრაინის მიმართ და ინვესტიციას ჩადებენ ევროპის თავდაცვის მზადყოფნაში“, – წერს კალასი.
კომენტარები