“მოსამართლე სახლში ხომ არ წაიყვანს სააკაშვილს?” – ხაჭაპურიძე

მიხეილ სააკაშვილის ადვოკატი, შალვა ხაჭაპურიძე, ტვ პირველთან ამბობს:

ჩვენ მივდივართ ბრძოლაში. დიაგნოზები დევს და ამ დიაგნოზებზე უნდა მივიღოთ პასუხი. მე არ ვიცი მოსამართლე რა გადაწყვეტილებას მიიღებს, მაგრამ ვიცი ერთი რამ, ის დასკვნები, რაც წარმოდგენილია სამედიცინო სასამართლო ექსპერტიზაში, ამის გაბათილება არის შეუძლებელი – მეტსაც გეტყვით, 99,9 პროცენტი დიაგნოზების ემთხვევა ვივამედის ექიმების დასმულ დიაგნოზებს. რა ვიცი, თუ ეს ყველაფერი ემთხვევა, მოსამართლე რას იზამს? სახლში ხომ არ წაიყვანს სააკაშვილს? კანონის მიხედვით მას ეხება ეს. პრაქტიკაში, სააკაშვილისთვის დასმული დიაგნოზებით, რაც აქვს, არსებობს არათუ გადავადება, გათავისუფლება. პედოფილიის, კანონიერი ქურდის, ყაჩაღობის, მკვლელობის – უამრავი ჩამონათვალია დანაშუალების, რა შეთხვევაშიც ხდება სასჯელის გადავადება და გათავისუფლება. თუ ეს გადაწყვეტილება მიიღო მოსამართლემ, ჩათვალეთ ეს არის პოლიტიკური გადაწყვეტილება. ჩვენ გვაქვს ორი რამ – ტოქსიკოლოგის დასკვნა რომ არის მოწამლული მძიმე მეტალებით და ეს მძიმე მეტალები იწვევს იმ დიაგნოზებს და სიმპტომებს, რომლებიც სააკაშვილს გააჩნია და მეორე – ეს ადამიანი ექსპერტიზის დასკვნის მიხედვით არის მძიმე ავადმყოფი, განუკურნებელი ან ისეთი დაავადებებით, რომელსაც სჭირდება ხანგრძლივი მკურნალობა.