მოქალაქე ამბობს, რომ მის შვილს “სოფლის ნობათის” რეგულარული მიღების შემდეგ სავარაუდოდ, ღვიძლი დაუზიანდა

აფლატოქსინის მძიმე შედეგების შესახებ სოციალურ ქსელში განცხადებას მოქალაქე მერიკო კობერიძე ავრცელებს. მშობელი წერს, რომ მისი 22 თვის შვილს შტატებში ჩატარებული ანალიზებით ორგანიზმში აფლატოქსინი აღმოუჩინეს, რამაც ღვიძლის ფუნციების სავარაუდო დარღვევა გამოიწვია. დედა ამბობს, რომ საქართველოში ყოფნის 6 თვის განმავლობაში მისი შვილი “სოფლის ნობათის” საბავშვო რძით იკვებებოდა.

“S.O.S აფლატოქსინი!!! 

საქართველიში ყოფნის 6 თვის განმავლობაში ჩემი 22 თვის შვილი სვამდა სოფლის ნობათის საბავშვო რძეს.
ამერიკაში დაბრუნების დღეს გახდა ცნობილი აფლატოქსინის არსებობის შესახებ.
ილიას გავუკეთეთ ანალიზები,
აფლატოქსინმა იქონია გავლენა ღვიძლის ფუნქციებზე . (კონკრეტულად დავწერ კვლევების დასრულების შემდეგ)
გთხოვთ ყველას, ვინც იყენებდით რძე,  გადაამოწმოთ ანალიზები.
არ დაიჯეროთ, როცა ამბობენ, რომ არ არის საჭირო გადამოწმება და მხოლოდ კონკრეტულ სერიაში იყო მომწამვლელი ნივთიერება.
ილია არაფერს იღებდა/იღებს რაც ბავშვისთვის არაა განკუთვნილი. (ტკბილი,მარილი…) სხვა ვერაფერი მოახდენდა გავლებას მასზე.
სურსათის ეროვნული სააგენტო / National Food Agency
სოფლის ნობათი • Soflis Nobati ჯოჯოხეთად გიქცევთ მომავალს.
update:
ანალიზები: ღვიძლის ფუნქიის განსაზღვრა
შემდეგია  – სონოგრამა
კვლევები არ დასრულებულა, ყველაფერს დავააფდეითებ.
ვისაც არ გჯერათ,თქვენთან მტკიცების დრო და განწყობა არ გვაქვს.
ვისაც სჯერა: ანალიზები”, – წერს მერიკო კობერიძე სოციალურ ქსელში.