“მონსტრთან ბრძოლისას მონსტრი მარცხდება. ვერ შეცვლი ამ სცენარს”

ზოგიერთები ამბობენ, რომ ნებისმიერი წიგნი, რომელიც დაწერილა, ან ამბავი, რომელიც გადაგვხდენია, რამდენიმე ძირითად სცენარზე შეიძლება დახურდავდეს.

ანუ ყველაფერი, რაც ხდება, უკვე გვინახავს, უკვე მოგვისმენია და ჩვენც იგივეს გავდივართ ხოლმე, მაგრამ სიუჟეტს ვერ ვცვლით. მოსახდენი უნდა მოხდეს ^^

მაგალითად, ქრისტოფერ ბუკერისთვის წიგნები ან ჩვენი ცხოვრების ამბები შვიდიდან რომელიმე ან რამდენიმე სცენარით ვითარდება: მონსტრის დამარცხება (Overcoming the Monster), აღიარების მოპოვება (Rags to Riches), კომედია (Comedy), ტრაგედია (Tragedy), მოგზაურობა და დაბრუნება (Voyage and Return), შინაგანი ტრანსფორმაცია (Rebirth) და გამოცდა (The Quest).