გავრცელებულ ვიდეოს, სადაც ნიკა მელია მხარდამჭერს მიხეილ სააკაშვილის საქართველოში ჩამოსვლის თემაზე ესაუბრება, სოციალურ ქსელში ეხმაურება „ნაციონალური მოძრაობის“ წევრი ბადრი შუბლაძე.
შუბლაძე ნიკა მელიას, ფეისბუქ პოსტის კომენტარით მიმართავს და აღნიშნავს, რომ მელია სწორ გზაზე დგას.
„ვისაც სურს და ცდილობს ოჯახში არეულობა შემოიტანოს ე.ი. სწორად აზროვნებ, მართალ გზაზე დგახარ და ეს არ მოსწონს, ამიტომ ცდილობს დისონანსი შემოიტანოს. წინააღმდეგ შემთხვევაში გაჩუმდებოდნენ. განსხვავებული აზრი არ ნიშნავს მტრობას,“- წერს ბადრი შუბლაძე.
რაც შეეხება სააკაშვილის საქართველოში ჩამოსვლას, ბადრი შუბლაძე ამბობს, რომ ის ჩამოსვლის მომხრე იყო.
„რაც შეეხება მიშას ჩამოსვლა არ ჩამოსვლას, პირადად მომხრე ვიყავი მიშას ჩამოსვლის, მეგონა მიშა, რომ ჩამოვიდოდა ხალხი გამოვიდოდა ქუჩაში არა მიშას დასაცავად, არამედ ქვეყნის და საკუთარი გასაჭირიდან თავის დასაღწევად.
შედეგი?-მიშა ციხეში, ხალხი მოლოდინის რეჟიმში, ოღონდ არ იციან ვის და რას ელოდებიან. ყველამ გავითავისოთ, არ ავყვეთ მტრის დემაგოგიას,“- წერს ბადრი შუბლაძე.
კომენტარები