მომავალში სახელმწიფოს შეურაცხყოფა ვერავინ რომ ვერ გაბედოს, მნიშვნელოვანია, სალომე ზურაბიშვილის წავიდეს არა როგორც ყოფილი, არამედ გაშვებული პრეზიდენტი, – ამის შესახებ თბილისის მერმა, კახა კალაძემ ჟურნალისტებს განუცხადა.
კალაძის თქმით, რადგან მისი სტატუსის მქონე ადამიანმა კონსტიტუცია დაარღვია, პრევენციისთვის მნიშვნელოვანია მისი გადაყენება.
„გულდასაწყვეტია, როდესაც ამ სტატუსის მქონე ადამიანი არღვევს კონსტიტუციას. ის კონსტიტუციის დაცვის სადარაჯოზე პირველი უნდა იდგეს. მომავალში ვერავინ რომ ვერ გაბედოს კონსტიტუციის დარღვევა, სახელმწიფოს შეურაცხყოფა, ამის პრევენციისთვის მნიშვნელოვანია, რომ ის წავიდეს არა როგორც ყოფილი, არამედ გაშვებული პრეზიდენტი“, – განაცხადა კახა კალაძემ.
კომენტარები