“მოლდოვაში ჰყვავის კორუფცია, არც დემოკრატიაა” – კობახიძე

ქართული ოცნების პრემიერი, ირაკლი კობახიძე:

„პირველ ადგილზე ვართ ეკონომიკური ზრდით.

ძალიან კონკრეტული ნაბიჯები გადაიდგა კორუფციის შემცირების, მართვის ეფექტიანობის გაუმჯობესების მიმართულებით, განსაკუთრებით ბოლო 2-3 თვეში. შესაბამისად, ველოდებით იმას, რომ ტემპი კიდევ უფრო მეტად გაიზრდება.

სამწუხაროა ის რეალობა, რომელიც არის შექმნილი, მუდმივი შანტაჟი, მუდმივი ზეწოლა, მაგრამ ამის მიუხედავად, იმდენად ჯანსაღი ეკონომიკური პოლიტიკა და გარემო აქვს ჩვენს ქვეყანას, რომ ვახერხებთ პირველი ადგილის შენარჩუნებას ფართო რეგიონში და მთლიანად კონტინენტის მასშტაბით.

მოლდოვაზე შედარებას ვაკეთებთ ხოლმე, 4 წლის განმავლობაში მოლდოვის ეკონომიკასთან ჩვენი ეკონომიკის სხვაობა გავზარდეთ 11.1 მლრდ დოლარით. ეს არის წარმოუდგენელი შედეგი, სხვაობა გაიზარდა 11.1 მლრდ დოლარით. ეს ნიშნავს იმას, რომ ჩვენ ბიუჯეტებს შორის სხვაობაც გაიზარდა დაახლოებით 3 მლრდ დოლარით ამ 4 წლის განმავლობაში. ეს რისი შედეგია, რომ მოლდოვაში ყვავის კორუფცია, სუსტია ინსტიტუტები, აქვთ არაჯანსაღი ეკონომიკური პოლიტიკა და გარემო, არ არის არც დემოკრატია, არც ადამიანის უფლებები, შესაბამისად, არ ვითარდება არც ეკონომიკა.