რუსეთს უკრაინაში დაღუპული სამხედროების ცხედრები არ გააქვს, რის გამოც ქვეყანაში შეიძლება ეკოლოგიური კატასტროფა მოხდეს. ამის შესახებ „უნიანი“ იუწყება.
სუმის ოლქის ჯანდაცვის სამმართველოს ხელმძღვანელის ანატოლი კოტლიარის განცხადებით, ცხედარი გახრწნისას გვამის შხამს გამოყოფს.
„ცხედრები არავის მიაქვს, ის რუსებს უბრალოდ არ სჭირდებათ. ის დიდ ეკოლოგიურ საფრთხეს ქმნის“, – განაცხადა კოტლიარმა.
მისივე თქმით, ბევრ სამხედროს საბუთები არ ჰქონდა და ცხედრების იდენტიფიცირება რთულია. გვამებისთვის 10 რეფრიჟირატორი არის შეკვეთილი, მაგრამ სარკინიგზო მიმოსვლის ბლოკირების გამო ის უკრაინაში ჯერ ვერ ჩაიტანეს.
ცხედრების უმეტესობა რუსებს, როგორც წესი, ბელარუსში გააქვთ, საიდანაც შემდეგ სამშობლოში აბრუნებენ. თუმცა უმეტესობა კვლავ ბრძოლის ველზე რჩება.
კომენტარები