მოკლეს ჰამასის კიდევ ერთი მეთაური – IDF

ისრაელის თავდაცვის ძალები (IDF) აცხადებენ, რომ მოკლეს ჰამასის კიდევ ერთი მეთაური, რომელიც ტერორისტების ისრაელზე თავდასხმას ხელმძღვანელობდა.

IDF-ს ინფორმაციით, ალი ქადი, რომელიც ე.წ. ნუხბას ქვედანაყოფში ასეულის მეთაური იყო, დრონით მიტანილი საჰაერო იერიშის შედეგად მოკლეს.

IDF-ის ცნობით, ქადი ისრაელში 2005 წელს ისრაელის მშვიდობიანი მოქალაქეების გატაცებისა და მკვლელობის ბრალდებით დააკავეს, ხოლო პატიმრების გაცვლის ფარგლებში ღაზის სექტორს 2001 წელს გადასცეს.

აქამდე, IDF-ს გავრცელებული ინფორმაციით, ღაზის სექტორში ღამით მიტანილი ავიაიერიშის შედეგად ჰამასის საჰაერო ძალების მეთაური მოკლეს.

ისრაელის თავდაცვის ძალების განცხადებით, გასულ შაბათ-კვირას მურად აბუ მურადმა “ხოცვა-ჟლეტის დროს დიდი წვლილი შეიტანა ტერორისტების ხელმძღვანელობაში”.