მასაჩუსეტის უნივერსიტეტის პროფესორი, ზურაბ გურული:
მოკლე გზამკვლევი გაურკვეველთათვის————-ახალგაზრდა კაცის საჯარო, გამომწვევი მკვლელობა ამერიკაში, ლოგიკური საფუძვლიანი ეჭვის თანახმად, დაფინანსებული და აღსრულებულია რომელიმე იმ ორი დიდი ქვეყნის სპეცსამსახურის მიერ, რომლებიც ამჟამად ამერიკის ოფიციალურ მტრებად არიან აღიარებულნი აშშ-ის უსაფრთხოების სამსახურის უფროსის მიერ.მიზანი:ნოემბრის მოახლოებული შუალედური არჩევნების წინ ქვეყანაში შიდა პოლიტიკური სიტუაციის არევა და ქაოსის გამოწვევა.ვინაიდან რესპუბლიკურ პარტიას და მოქმედ პრეზიდენტს გაუჩნდა ისტორიული პრეცედენტის შექმნის შანსი, როცა შუალედურ არჩევნებში დიდი ალბათობით იმარჯვებს მოქმედი პრეზიდენტის პარტია, მტრულად განწყობილი ძალები ყველანაირად შეეცდებიან ამ პრეცედენტის არდაშვებას.ამასთან, პრეზიდენტი და მისი გუნდი იძულებული იქნებიან უმწვავესი საგარეო პოლიტიკური გამოწვევებიდან კონცენტრაცია საშინაო პოლიტიკაზე გადაიტანონ.თუ გავითვალისწინებთ იმ ფაქტობრივ ისტორიულ გამოცდილებას, რომელიც ადასტურებს ევროპის ქვეყნებში, მაგალითად საფრანგეთში, ულტრა-მემარცხენე რადიკალების პირდაპირ კავშირს რუსულ სპეც-სამსახურებთან, ასევე ამერიკის ულტრა-მემარცხენეთა მჭიდრო კავშირს ჩინეთის სადაზვერვო ქსელებთან, ლოგიკა გვკარნახობს, რომ ეს სპეც-სამსახურები აქტიურ რეჟიმში გადავიდნენ.გავიხსენოთ ასევე კოვიდ-პანდემია; როგორ დაიწყო, სად და რატომ …ამერიკული ე.წ. კონსერვატიული სპექტრის რადიკალური ნაწილი, ისევე როგორც რადიკალი მემარცხენეები, უხვად არიან ინფილტრირებული უცხოური სპეც-სამსახურების აგენტურით. ეს ბუნებრივია. ნებისმიერი ჯურის რადიკალური ორგანიზაცია, იქნება ეს მემარცხენე თუ მემარჯვენე, წარმოადგენს შესანიშნავ მასალას სპეცსამსახურების აგენტების ჩასანერგად, ვინაიდან ეს ორგანიზაციები რეალურად პარა-კრიმინალურ დაჯგუფებებს წარმოადგენენ. უცხოური აგენტურის ძირითად საქმიანობას პროპაგანდის გავრცელება წარმოადგენს. ეს აგენტები ასევე ფინანსურად ეხმარებიან ყველას, ვისაც გარკვეული აუდიტორია გააჩნია. კარგი მაგალითია ტაკერ კარლსონი, რომელსაც მოთმინებიდან გამოსულმა პრეზიდენტმა ტრამპმა “დაცენტრილი” უწოდა საჯაროდ.სწორედ ეს ხალხი ავრცელებდა და ავრცელებს ანტი-უკრაინულ პროპაგანდას, რომელიც თანდათან უფრო და უფრო სუსტდება ამერიკაში, რადგან პუტინის რუსეთის ნამდვილი სახის შელამაზება უკვე შეუძლებელი ხდება.31 წლის ჩარლი კირკი წესიერი ახალგაზრდა იყო. იგი არ ყოფილა რადიკალი. სწორ აქცენტებს აკეთებდა შიდა-პოლიტიკური საკითხების უმრავლესობაზე და ზემოთ ნახსენები მიზეზების გამო გარკვეული მცდარი მოსაზრებები ჰქონდა უკრაინასთან დაკავშირებით, როგორც არაერთ პატიოსან და წესიერ ამერიკელს, რომლებიც სპეცსამსახურების პროპაგანდასთან ერთად კისინჯერის კლასიკური პოლიტიკური დოქტრინით იყვნენ და არიან დეზინფორმირებულები. ერთია მხოლოდ, ამ ადამიანებთან თავისუფლად შეიძლება საუბარი, არგუმენტირებული კამათი და მათ არ უჭირთ შეცდომის აღიარება.ჩარლი კირკი ძალიან ახალგაზრდა, დამწყები პოლიტიკოსი იყო. დროთა განმავლობაში ის აუცილებლად იპოვიდა სწორ გზას საგარეო პოლიტიკაშიც, რადგან მას სწორი ბაზისური ღირებულებები ჰქონდა.რაც შეეხება იმ ადამიანებს, ამერიკაში თუ ამერიკის გარეთ, რომლებიც ამ საზარელ აქტს სიხარულით შეხვდნენ ან კმაყოფილება გამოთქვეს, უბრალოდ ერიდეთ; ისინი ან სპეცსამსახურების პროპაგანდისტები არიან, ან ბოროტი, ფსიქიურად დაავადებული მანიაკები.
კომენტარები