“იმედი ნიუსის” მტკიცებით, დმანისის საკრებულოს მაჟორიტარი დეპუტატი, ოპოზიციონერი რამიზ რამაზანოვი უარყოფს ინფორმაციას სუსის მიერ მის გატაცებაზე და მედიასთან ამბობს:
„სტუმრად ვარ ჩემს ახლობლებთან, საქართველოში. ვინ მომიტაცა, ასეთი რამ არ არსებობს. ახლობლებთან ვარ და ყველაფერი კარგად არის“
მანამდე დმანისის საკრებულოს ოპოზიციონერმა წევრებმა ხელისუფლება შანტაჟსა და მუქარაში დაადანაშაულეს და განაცხადეს, რომ სუს-მა მათი თანაგუნდელი რამიზ რამაზანოვი გაიტაცა. ისინი ამბობენ, რომ რამიზ რამაზანოვი მათ ზარებს არ პასუხობს და ვერ პოულობენ.
მისი თანაგუნდელი მედიასთან ამბობს: “თვითონ მითხრა, რომ ისეთ მდგომარეობაში, ვარ ან უნდა შევიდე, ან თავი მოვიკლაო, ამის მერე კონტაქტი შეწყდა”
საქმე ისაა, რომ დმანისის საკრებულოში ოპოზიციისა და ქართლი ოცნების წარმომადგენლებს 15-15 წევრი ჰყავთ. მომდევნო სხდომა პარასკევსაა ჩანიშნული. პირველი სხდომა ჩაიშალა და თავმჯდომარე ვერ აირჩიეს, თუ ამჯერადაც იგივე მოხდა, რეგიონში ახალი არჩევნები დაინიშნება.
კომენტარები