უკრაინის საგარეო საქმეთა სამინისტროში საფრანგეთის პრეზიდენტის, ემანუელ მაკრონის განცხადებას გამოეხმაურნენ, უწყების პრესსპიკერმა, ოლეგ ნიკოლენკომ თქვა:
”უკრაინა და რუსეთი ისტორიულად არიან ახლოს ობიექტური მიზეზებით, მაგრამ ორი “მოძმე” ხალხის შესახებ მითმა დაიწყო ნგრევა ყირიმის ოკუპაციისა და 2014 წელს დონბასში აგრესიის შემდეგ. რუსი „ძმები“, თითქოს, რუსულენოვანი მოსახლეობის დასაცავად შევიდნენ უკრაინის მიწაზე, მაგრამ რვა წლის განმავლობაში 14 000 უკრაინელი მოკლეს.
ეს მითი საბოლოოდ განადგურდა, როდესაც თებერვალში პირველი რუსული რაკეტები უკრაინის ქალაქებში ჩამოვარდა. „მოძმე“ ხალხი არ კლავს ბავშვებს, არ ესვრის მშვიდობიან მოსახლეობას, არ აუპატიურებს ქალებს, არ ასახიჩრებს მოხუცებს და არ ანადგურებს სხვა „მოძმე“ ხალხის სახლებს. ყველაზე სასტიკი მტრებიც კი, დაუცველი ადამიანების წინააღმდეგ სიმხეცეს არ მიმართავენ. გულდასაწყვეტია, რომ მაკრონი უკრაინაში მიმდინარე მოვლენებს “გენოციდს” არ უწოდებს.”
“ფრთხილად უნდა ვიყოთ ტერმინთან გენოციდი, მოძმე ხალხია” – მაკრონი
კომენტარები