ერევანში “ლაზარევის კლუბის” მე-5 შეკრებაზე რუსმა პოლიტოლოგმა, პროპაგანდისტმა ანდრანიკ მიგრანიანმა, რომელიც გამოირჩევა კრემლისტური განცხადებებით, ქართველ ხალხს “პირუტყვი” უწოდა და “საქართველოზე ზეწოლისკენ მოუწოდა სომხეთს.
მიგრანიანის თქმით, „საქართველო ამდენი წელია სჯის არა აფხაზეთს, არა რუსეთს, არამედ სომხეთს, ასე რომ, თუ ერევანში ვინმეს კარგი ურთიერთობა აქვს დასავლეთთან და ამერიკასთან, უთხრან მათ, მოახდინონ ზეწოლა ქართველებზე, ამ პირუტყვებზე და გაიხსნას რკინიგზა…“
რუსი ჟურნალისტი, პოლიტიკური და საზოგადო მოღვაწე მაქსიმ შევჩენკო მიგრანიანის ამ სიტყვებზე კომენტირს აკეთებს და მიგრანიან თავხედს და რუსული იმპერიალიზმის ერთ-ერთ შემქმნელს უწოდებს: “ცინიკურად ამართლებს ქართველი ხალხის ტრაგედიას და სომხების ბედი განსაკუთრებულად არ აწუხებს… მიგრანიანი ღიად მიმართავს სომხებს, ზეწოლა მოახდინონ ამ „პირუტყვ“, ქართველებზე, რათა საქართველოს გავლით რკინიგზა გაეხსნათ სომხეთამდე, ირანამდე, რათა ის, მიგრანიანი და მისნაირები დარჩნენ რუსეთის გეოპოლიტიკური სტრატეგიის არბიტრებად. მიგრანიანის მიერ ქართველების შეურაცხყოფა, მათი დამცირება, საფრთხეს უქმნის საქართველოში უძველესი დროიდან მცხოვრებ ქართველ სომხებს… ფაქტობრივად ცდილობენ აწარმოონ აწარმოებენ ეთნიკური, სამოქალაქო ომი საქართველოში…“.
შევჩენკო იქვე აღნიშნავს იმასაც, რომ ქართველი ერი გონიერია და არ წამოეგება მიგრანიანის პროვოკაციას.
მაქსიმ შევჩენკო თვლის, რომ მიგრანიანის, რომელიც რუსეთის პირველი არხის სახე გახდა, განცხადებები რუსეთში ყურადღებისა და რეაგირების გარეშე დარჩება: “2014 წლიდან პირველ არხზე გამოჩნდნენ უცნობი სომეხი ექსპერტები, რომლებმაც ისაუბრეს რუსების, რუსი ხალხის სახელით, ისაუბრა რუსებისა და უკრაინელების ურთიერთობაზე. მიგრანიანის მსგავსმა “გმირებმა” უკვე ჩაითრიეს რუსეთი მეზობელ მართლმადიდებლებთან დაპირისპირების შეუქცევად პროცესში.”
კომენტარები