მოახდენს თუ არა საარჩვენო გარემოზე გავლენას რუსული კანონი – ეუთოს სადამკვირვებლო მისიის წევრმა, ოუენ მერფიმ უარი თქვა წინმსწრებად შეეფასებინა ის, თუ რა გავლენას იქონიებს მასზე აღნიშნული კანონი.
როგორც მერფი ამბობს, მიუხედავად იმის, რომ მათ ორგანიზაციას აღნიშნულ კანონზე საკუთარი დასკვნა მომზადებული აქვს, ისინი დამოუკიდებლად იმუშავებენ და თავიანთ დასკვნასაც მოამზადებენ.
“ჩვენს ორგანიზაციას აღნიშნულ კანონთან დაკავშირებით მომზადებული აქვს საკუთარი დასკვნა, მაგრამ ჩვენ დამოუკიდებლადაც ვიმუშავებთ და დავაკვირდებით საარჩევნო კამპანიას იმისთვის, რომ გვქონდეს ჩვენი დასკვნაც. მინდა ვთქვა, რომ ნებისმიერი რელევანტური კანონის გავლენა იქნება შესწავლილი და შეფასებული. და რა თქმა უნდა, ყველა მხარეს, კრიტიკულ მედიას, პოლიტიკურ პარტიებს თუ სამოქალაქო ორგანიზაციებს ექნებათ შესაძლებლობა ისაუბრონ ამ გავლენებზე მათ საქმიანობაზე. ჩვენ მოგვიწვიეს დაკვირვებისთვის და მიზანი დამოუკიდებელი შეფასების გაკეთებაა. გვექნება თანამშრომლობა ადგილობრივ სადამკვირვებლო ორგანიზაციებთან და როგორც ვიცი ქვეყანაში ასეთი ბევრია. მაგრამ ჩვენ ჩვენი მეთოდოლოგია გვაქვს და დამოუკიდებელი შეფასება გვექნება. მიუკერძოებლობა ყველა მხარისგან ჩვენი მუშაობის პრინციპია“, – განაცხადა ოუენ მერფმა.
ეუთო/ოდირმა მაისში გამოსქვეყნა დასვნა, სადაც აღნიშნული იყო, რომ საქართველოს პარლამენტის მიერ მიღებული რუსული კანონი შეიცავს სერიოზულ ხარვეზებს, რაც მას შეუთავსებელს ხდის ადამიანის უფლებათა საერთაშორისო სტანდარტებთან და უნდა გაუქმდეს.
კომენტარები