საქართველოს პრეზიდენტი, სალომე ზურაბიშვილი მმართველი პარტიის წარმომადგენლების განცხადებებს ეხმაურება, კონკრეტულად კი, ფრაზებს იმის შესახებ, რომ უკრაინასთან ომში რუსეთს აქვს უპირატესობა და ამბობს:
“ოკუპირებული ტერიტორიების მქონე ხელისუფლების მიერ აქამდე გამოხატული გარკვეული სიფრთხილე ყველას ესმის და ყველასთვის გასაგებია, თუმცა სიფრთხილე არასდროს გამორიცხავდა, მით უმეტეს ჩვენთვის და ჩვენს ქვეყანაში, არც ღირსებას და არც სოლიდარობას.
სულ სხვაა დღევანდელი მდგომარეობა. ახალი გზავნილები, რაც ორი დღეა მმართველი პარტიისგან ისმის, წინააღმდეგობაში მოდის ჩვენი ყველა პარტნიორი ქვეყნის სახელმწიფო ლიდერის განცხადებებთან. ჩვენი დეფეტიზმი უნისონშია მხოლოდ და მხოლოდ რუსეთის ნარატივთან, ეხმიანება მხოლოდ რუსეთის პროპაგანდას. ამის არც ახსნა, არც გაგება შემიძლია და არც გაზიარება.”
სალომე ზურაბიშვილის განცხადებას, მისი ადმინისტრაცია ავრცელებს.
“უპირატესობა აქვს რუსეთს, ბოლო ერთი კვირაში, ათამდე დასახლებული პუნქტი აიღო რუსეთმა” – კობახიძე
კომენტარები