“მმართველ და ე.წ. მთავარ ოპოზიციურ ძალას შორის მოლაპარაკებები უკვე დაწყებულია, მათ ეს აერთიანებთ” – ნათელაშვილი

ლეიბორისტული პარტიის ლიდერი, შალვა ნათელაშვილი:

“იფსოსის ე. წ რეიტინგები ტრადიციული ურცხვობის კულმინაციაა. არაა დასამალი, რომ მმართველ და ე. წ მთავარ ოპოზიციურ ძალას ერთ- ერთი მთავარი რაც აერთიანებთ – ეს ლეიბორისტული პარტიის წინააღმდეგ ბრძოლაა, რომელიც მკვეთრ გამოხატულებას პოულობს სწორედ წინასაარჩევნო ბოლო კვირას და არჩევნების დღეს.

ანუ სააკაშვილის პრინციპი, რომ ან მე დავბრუნდები ტრიუმფით ან გყავდეთ სამუდამოდ ბიძინა და მთელი ძალები ლეიბორისტების წინააღმდეგ კვლავ ძალაშია, დარწმუნებული ვარ ამ ორ ძალას შორის მოლაპარაკებები უკვე დაწყებულია, როგორ გააფორმონ საარჩევნო კომისიებში ოქმები საიდანაც ჩვენ უკვე გამოგვყარეს. ვნახოთ, ვნახოთ, ამით მოგებული არავინ დარჩება წააგებს კი კვლავ საქართველო.”