“მკითხეთ, რატომ ჩავიდინე… ვსვამ კითხვას და პასუხსაც მე გავცემ”– პირს, რომელმაც საპატრიარქოს ჭიშკარი შეანგრია, არც სასამართლოზე მიეცა სიტყვის თქმის საშუალება

საპატრიარქოს რეზიდენციის ჭიშკრის შენგრევის ფაქტზე ბრალდებულმა როსტომ მაზმიშვილმა სასამართლო პროცესზე განმარტა, რატომ შევარდა ავტომობილით საპატრიარქოში და თქვა, რომ უნდა ახსნას, რატომ ჩაიდინა ეს და სწორედ ამ კითხვას ელოდება, თუმცა, მოსამართლემ შეაწყვეტინა და უთხრა, რომ დღეს კონკრეტულად ბრალეულობის საკითხი არ განიხილება.

პირმა, კიდევ ერთხელ სცადა მოყოლა და თქვა, რომ საპატრიარქოში მას არ მოუსმინეს, ოღონდ, მოსამართლემ, ისევ შეაწყვეტინა. იმედია, როსტომ მაზმიაშვილს, რომელიც ამტკიცებს, რომ არც საპატრიარქოში მოუსმინეს და დღეს მოსამართლემაც შეაწყვეტინა სიტყვა, ოდესმე მიეცემა საშუალება, ვრცლად მოყვეს ის, რისი მოყოლაც ასე სურს. მას იმდენად სურდა დღეს მოეყოლა, რომ მაშინაც, როცა კითხვა არავინ დაუსვა, გადაწყვიტა, საკუთარ თავს თავადვე დაუსვას კითხვა და თავადვე უპასუხოს.

ვსვამ კითხვას, რატომ ჩავიდინე და პასუხს მე ვცემ.

დავიწყოთ იქიდან, 3 წლის განმავლობაში ვცდილობდი პატრიარქთან შეხვედრას, ხან ნომერი დავტოვე, ხან რა დავტოვე, სამებაში ვიყავი წყნარად, დაცვას ვთხოვე მოსაყდრე შიოსთვის გადაეცათ, რომ შეხვედრა მსურდა, საპატრიარქოში მივედი, გამომიშვეს”,- განაცხადა ბრალდებულმა.

მოსამართლემ სიტყვა შეაწყვეტინა და უთხრა, რომ გამოძიების ეტაპზე დუმილის უფლებას იყენებდა ის და მოსთხოვა გაჩუმება და პოზიციის ადვოკატთან შეთანხმება.