უკრაინის პრეზიდენტი ვოლოდიმირ ზელენსკი მიიჩნევს, რომ ომის დასრულება ურთიუერთკომპრომისის საფუძველზე და ვლადიმერ პუტინთან მხოლოდ პირდაპირი დიალოგის საშუალებით არის შესაძლებელი. ამის შესახებ ზელენსკიმ „ბილდთან“ ინტერვიუში განაცხადა.
„აქ კითხვა არ არის, მე რისი მიცემა შემიძლია. ყველა მოლაპარაკებაზე ჩემი მიზანია რუსეთთან ომის დასრულება. ასევე მზად ვარ გარკვეული ნაბიჯების გადასადგმელად. კომპრომისი შესაძლებელია, მაგრამ ეს არ უნდა იყოს ჩემი ქვეყნის ღალატი. მეორე მხარესაც უნდა ჰქონდეს კომპრომისების სურვილი – ამიტომაც ჰქვია კომპრომისი. ეს ერთადერთი გზაა ამ სიტუაციიდან გამოსასვლელად. ჩვენ ჯერ დეტალებზე ვერ ვისაუბრებთ, პრეზიდენტებს შორის პირდაპირი კონტაქტი არ ყოფილა. მხოლოდ ორი პრეზიდენტის პირდაპირი მოლაპარაკების შემდეგ შეიძლება დავასრულოთ ეს ომი“
ამასთან, ზელენსკი პუტინის მუქარას, ბირთვული ომის თაობაზე, „ბლეფად“ მიიჩნევს.
„ერთია, იყო მკვლელი, მეორეა, ჩაიდინო სუიციდი“, – განაცხადა ზელენსკიმ.
„ბილდთან“ ინტერვიუში ზელენსკი საუბრობს, რომ ქვეყნის მოსახლეობა სასმელი წყლისა და საკვების დეფიციტს განიცდის.
მისი თქმით, განსაკუთრებით რთული ვითარებაა მარიუპოლის, დონეცკის, ზაპოროჟიეს, მელიტოპოლის, ვოლნოვახასა და ხარკოვის მიმართულებით. უკრაინის პრეზიდენტი ამბობს, რომ ამ ქალაქებში ჰუმანიტარული კატასტროფაა.
კომენტარები