“მივესალმები ნიკა გამყრელიძის გადაწყვეტილებას – პირადი მაგალითით მოხსნა სტიგმა”

პოლიტიკოსი, ირინა სარიშვილი, სოციალურ ქსელში, წერს:

“მივესალმები ნიკა გამყრელიძის გადაწყვეტილებას რომ გაასაჯაროვა საკუთარი მდგომარეობა, რითაც მან ჯერ ერთი პირადი მაგალითით მოხსნა სტიგმა რაც ამ დაავადების მიმართ გაჩნდა საზოგადოებაში და მეორეც, დაანახა ყველას რომ ყოველგვარი პანიკის გარეშე შეიძლება ამ ყველაფერზე სწორად რეაგირება – ეჭვის შემთხვევაში მოახდინო თვითიზოლირება და რაც შეიძლება ნაკლები ადამიანი მოახვედრო რისკის ქვეშ.
გამოჯანმრთელებას ვუსურვებ მას და ყველა დაინფიცირებულს და პირობას გაძლევთ რომ ოდნავი საფუძვლიანი ეჭვის შემთხვევაში ანალოგიურად მოვიქცევი.
ყოველგვარი პანიკის გარეშე გავუფრთხილდეთ საკუთარ თავს, გავაკეთოთ ის რაც ამ ვირუსის გარეშეც გასაკეთებელია – პირადი ჰიგიენის დაცვა, გავუფრთხილდეთ გარშემო მყოფებს და ვიცოდეთ რომ ეს ვირუსი მალე გაივლის, ხოლო საფრთხის გამო ჩვენს მიერ გამოვლენილი თვისებები ჩვენს მეხსიერებაში დიდხანს დარჩება”