ფოტო – ტვ პირველი
“ტვ პირველი”, “ამერიკის ხმაზე” დაყრდნობით, წერს, რომ, რუსეთის მოქალაქეებს, ვინც შეერთებულ შტატებში თავშესაფარს მისაღებად ჩასვლა გადაწყვიტა, მექსიკა-ამერიკის საზღვარის კვეთის უფლებას არ აძლევენ.
ეს რაღაც სახის, არ ვიცი, დისკრიმინაციაა. დიახ, ჩემს ქვეყანაში არ არის ომი, მაგრამ არის რეჟიმი და მე მას თავი დავაღწიე. ეს აბსოლუტი უსამართლობაა. პასუხს არავინ გვცემს. არ გვაქვს რეაქციაა აშშ-ს პრეზიდენტის ადმინისტრაციისგან. არანაირი რეაქცია არ გვაქვს ამერიკის საზღვრის დაცვის და საბაჟოს ოფიცრებისგან. ჩვენ უბრალოდ აქ ვსხედვართ, მიწაზე გვძინავს და ველოდებით, – ამბობს რუსეთის-ერთ-ერთი მოქალაქე.
იგი საკუთარი გვარის დასახელებას ერიდება, თუმცა ამბობს, რომ გასულ წელს ის და მისი მეუღლე ალექსეი ნავალნის მხარდამჭერ აქციაში მონაწილეობისთვის დააკავეს. მისი თქმით, ახლა რუსეთში დაბრუნება უფრო საშიშია.
მექსიკის ოფიციალურმა პირებმა თავშესაფრის მაძიებელ რუსეთის მოქალაქეებს რუსულ ენაზე დაბეჭდილი საინფორმაციო ცნობარები დაურიგა, სადაც წერია, რომ მათ აქვთ უფლება თავშესაფარი მოითხოვონ, მაგრამ დატვირთულ საზღვართან არ უნდა დაბანაკდნენ.
პარალელურად, უკრაინელების ნაწილს, ვინც საკუთარი სამშობლოდან რუსეთის ომს გამოიქცა, შტატები ქვეყანაში ერთი წლით ცხოვრების სპეციალურ უფლებას ანიჭებს.
ჩვენი სახლი უკრაინაში, რომელიც ნაქირავები გვქონდა, განადგურებულია. აღარაფერი გაგვაჩნია, გვიწევს ცხოვრება თავიდან დავიწყოთ. ეს უკიდურესად რთულია. ვკანკალებ როცა ამაზე ვსაუბრობ, – ამბობს უკრაინელი.
რუსეთის მსგავსად საზღვრის გადაკვეთაზე უარი მიიღეს თავშესაფრის მაძიებლებმა ნიგერიიდან, კოლუმბიიდან, ჰონდურასიდან და მექსიკიდან.
კომენტარები