ჟურნალისტი, ნინო ჯანგირაშვილი:
მიშველეთ! ყველამ იცით, რომ ოფისში შეფარებული გვყავს 4 ძაღლი, აქედან 2 დიდი და 2 პატარა ლეკვი, რომლებიც ამ ზაფხულს მოგვადგნენ. სამი დღის წინ მოვიდა ცხოველთა მონიტორინგის სამსახური და უნდოდათ ყველა ძაღლის წაყვანა, ვითომ სხვადასხვა მიზეზებით – ერთზე ვითომ აგრესიაზე შევიდა ზარი, მეორეს – ბირკა მოძვრა, პატარები ვითომ გასასტერილებლად, არადა ჯერ პატარები არიან და მალე ჩვენ თვითონ ვუპირებდით გასტერილებას.
მე არ ვიყავი მაგ დროს ოფისში და აქ დიდი ამბები იყო, პოლიციით დაიმუქრნენ თუ არ გაგვატანთო. ორი ძაღლი ვერ დაიჭირეს, გაიქცნენ და დაიმალნენ. ორი წაიყვანეს. ერთი პატარა და ერთი დიდი. პატარა ვითომ უნდა გაესტერილებინათ და ბირკა გაეკეთებინათ. დიდი ვითომ აგრესიაზე დაკვირვებაზე. სამი დღეა მატყუებენ, რომ დამიბრუნებენ ძაღლებს მისამართზე. ერთს მაინც.
გულმა ცუდი მიგრძნო და დღეს ორჯერ დავრეკე. ახლა მეუბნებიან, რომ თურმე მე მითხრეს, რომ სხვა მისამართი უნდა ვუთხრა, სადაც მიიყვანენ ძაღლებს, რადგან ამ უბანში ძაღლები ვეღარ დაბრუნდებიან. ანუ, თავიდანვე მქონდა ეჭვი, რომ ვიღაცას, თანაც გავლენიან ქოცს უბრალოდ ძაღლები ებევრა უბანში და აქაურობის გაწმენდა გადაწყვიტა. სხვა ძაღლებიც წაიყვანეს უბნიდან, ზუსტად არ ვიცი რამდენი. ყველა მშვიდობიანი და ბუნჩულა. უბრალოდ აქ მიჩვეულები იყვნენ, ხალხი აჭმევდა და არ იყო არანაირი პრობლემა. ახლა კატეგორიულად მეუბნებიან, რომ ძაღლებს ამ მისამართზე, აღარ დააბრუნებენ. ისეთი გაცეცხლებული ვარ, რა გავაკეთო არ ვიცი. მირჩიეთ რამე თორემ გადავირიე! ვინ არის მაგ არაადამიანების სამსახურის უფროსი ახლა?
მასალის განახლება:
მოგვიანებით, ნინო ჯანგირაშვილმა, დაწერა:
მეგობრებო, დიდი მადლობა ყველას გამოხმაურებისთვის. მონიტორინგის სააგენტოსთან შეთანხმდით, რომ დააბრუნებენ დღეს ძაღლებს მისამართზე. ველოდები, როდის მომიყვანენ. იმედია არ მატყუებენ. და ბოდიში ემოციებისთვის, მგონი შეურაცხადი გავხდი უცებ.
კომენტარები