“ერთიანი ნაციონალური მოძრაობის” წევრი, ბესიკ ქათამაძე ირწმუნება, რომ მიხეილ სააკაშილთან კომუნიკაცია ჰქონდა და ის ნამდვილად საქართველოში იმყოფება. ოპოზიციიის წევრის განმარტებით, საქართველოს მესამე პრეზინდეტი წინასაარჩევნოდ დესტაბილიზაციის თავიდან აცილების მიზნით საზოგადოების წინაშე შეგნებულად არ ჩნდება, ხოლო საარჩევნო პროცესის დასრულების შემდეგ მისი ნახვა ყველას შეეძლება.
მინდა კონკრეტულად ვთქვა, “ქართული ოცნების” და მათი აგონიის მესმის, მიშასთან მქონდა კომუნიკაცია და ის ნამდვილად არის საქართველოში. ნამდვილად მქონდა კომუნიკაცია და ის ნამდვილად არის საქართველოში. მიშას არ გადაუღია არც ლეოგრანდის შენობა, არც ბათუმის ახალი ბულვარი სადმე სხვა ქვეყანაში და იქიდან არ ყოფილა ჩართვა. “ქართულმა ოცნებამ” მოიკრიფოს ძალები და შეეგუოს პროცესს, რომ ისინი გადავლენ ოპოზიციაში. დღეს გამთენიისას ჩვენ გვქონდა კომუნიკაცია და ინდა ვუთხრა ჩვენს ყველა მომხრეს, რომ ის არის საქართველოში, მან შეასრულა პირობა, ის არის სიტყვის კაცი და მიშა არის საქართველოში! ჯერი არის ჩვენზე, ქართველ ხალხზე. გეგმაზე ისაუბრებს თავის “ფაეისბუქ” გვერდიდან, გაავრცელებს ვიდეომიმართვას. ორი ვიდეომიმართვა ვისთვისაც არ იყო საკმარისი, შემდეგი ვიდეომიმართვა დამაჯერებლობისთისაც იქნება. “ქართულ ოცნებას” რომ არ მიეცეს იმის საშუალება, რომ დესტაბილიზაცია, ან ექსცესები რომ არ შევიდეს საარჩევნო პროცესში, ეს არის ჩვენი მთავარი ამოცანა. არჩევნების ჩატარების შემდეგ მიშა იქნება ყველა დაინტერესებული პირისთის ხელმისაწვდომი, -განაცხადა ქათამაძემ.
კომენტარები