ნაციონალური მოძრაობის ყოფილი თავმჯდომარე, ნიკა მელია, ტვ პირველთან ამბობს:
ვადასტურებ, რომ მიხეილ სააკაშვილთან კომუნიკაცია დაახლოებით 1 თვის წინ მქონდა, მაგრამ არ ვსაუბრობ დეტალებზე, დრო ყველაფერს თავის სახელს დაარქმევს. ინტრიგები სავიზიტო ბარათია მერაბიშვილის, რაზე ვსაუბრობთ 2023 წელს, იმ პოტენციურ შესაძლებლობაზე, რომ წარსული მოხვდეს მომავალში? მრჩება შთაბეჭდილება, რომ ეს ადამიანები ხალხს არ ხვდებიან, საზოგადოებასთან კომუნიკაციაში არ არიან. უამრავ ადამიანს უნდა ცვლილება, ნაციონალური მოძრაობა კი არ გახლიჩეს, მთელი ოპოზიციური ფრონტი დააზიანეს. როცა ვამბობ, რომ არ მინდა ბიძინა ივანიშვილი, გამოვიხედავ და კეზერაშვილს და მერაბიშვილს დავინახავ – ვიბნევი, ასეა უამრავი ადამიანი.
რა კამპანია აწარმოეს, აგერ მიტაცებული აქვს პარტია მელიას, უნდა დავუბრუნოთ მიშას, მელია მტერია, მერაბიშვილ–კეზერაშვილმა ფული დახარჯეს შიდა არჩევნებში, ფულის დარგება და ფულის დახარჯვა, ერთი და იგივე არ არის, ფული დახარჯეს. არ ელოდებოდნენ იმ ჩემ 40 პროცენტს და დღეს მხარდაჭერა უფრო დიდია. დღეს კეზერაშვილი და მერაბიშვილი ხედავენ, ფულს ხარჯავენ და დღის წესრიგს ვერ ქმნიან. ეს თითქოს დამარცხებული მხარე, სარგებლობს უფრო მეტი მხარდაჭერით და კითხვა ხომ უნდა დასვა, რატომ? იმიტომ რომ სიმართლეა.
დღეს კეზერაშვილ–მერაბიშვილთან შეკვრა, არის ეშმაკთან შეკვრა, ოღონდ ივანიშვილის სასარგებლოდ. სწორ ადამიანებთან შეკვრაა ერთობა. ერთობა ლამაზად ჟღერს, მაგრამ ვისთან ერთობა? ერთმა დამპალმა ვაშლმა, მთელი კალათა დაალპოო.
რომ დაენახათ მართლა მარტო ვარ ჩემ ჯიუტ პოზიციაზე, დიდი ხნის წინ გამრიცხავდნენ. უამრავი ადამიანია. მაგალითად, გიორგი კირთაძე, წკლების წინ გავიცანი მხოლოდ და ეს ადამიანები და ბევრი სხვა 2003 წლიდან არიან პარტიაში. ნათესაობა მაქვს მათთან რომ სიმართლე იქეთ იყოს და აქეთ იდგნენ? შეცდომაში გაჯიუტდნენ. ეს შეცდომაც არ იყო, ეს იყო განზრახ ნაბიჯი, როდესაც ხალხი პარტიიდან გაყარეს. ეს არ არის შიდა პარტიული დაპირისპირება. პარტიას, რომელსაც აქვს ამბიცია ხელისუფლებაში მოსვლის – ბიძინაივანისვილზმს უნდა ასხივებდეს კეზერაშვილ–მერაბიშვილით?
3 წლის წინ ვთქვი, სადაც ვანო მერაბიშვილი იქნება, მე, ნიკა მელია, იქ არ ვიქნები, იმიტომ რომ გლდანში, სადაც ვუპირსპირდებოდი ქართულ ოცნებას, გაირკვა, რომ ეს ადამიანი შტაბს მინგრევდა, ციხიდან ახალი გამოსული, ეს ადამიანი დღეს პოლიტიკაში მხოლოდ იმიტომაა, რომ საკუთარ ფულს უპატრონოს. მე ამისთვის არ ვარ პოლიტიკაში, სხვა საქმეს მოვძებნიდი და თუ ვინმეს მიაყენეს შეურაცხყოფა, პატიმარს მიაყენეს შეურაცხყოფა.
დიანა ტრაპაიძე:
–რა გამოვიდა, სააკაშვილი დადგა იმ ხალხის მხარეს, ვისი მთავარი ამოცანაა საკუთარი ფულის პატრონობაა? მიშას უნდა ამ ორ კაცს საკუთარი ფინანსები აპატრონებინოს? ივანიშვილის, კეზერაშვილის და მერაბიშვილის ტყვეობაშია სააკაშვილი და თქვენ გინდათ მისი დახსნა?
ნიკა მელია:
კარგად მოვასწარი მიხეილ სააკაშვილის გაცნობა. ამიტომ ვამბობ, რომ ის არის ორმაგ ტყვეობაში. ის არის ძირითადად ამ რეჟიმის ტყვეობაში, მაგრამ, მას ვიცნობდი ადამიანს, ვინც თვალს უსწორებს საზოგადოებრივ აზრს და საზოგადოებრივი აზრი არის შემდეგი – არ გვინდა ქართული ოცნება, გაგვაღატაკა, მაგრამ არ მინდა მერაბიშვილ–კეზერაშვილი, რაც არ უნდა პატივს ვცემდე სააკაშვილს, კეზერაშვილ–მერაბიშვილი, არ მინდა. ამიტომაც მჯერა, რომ ის არის ორმაგ ტყვეობაში. რაც არ უნდა პარადოქსი იყოს, ისევ ჩვენი დასახსნელია, დარწმუნებული ვარ,
გავიდნენ ქუჩაში, ისაუბრონ, ივანიშვილის დამარცხება როცა გინდა და ალტერნატივად მერაბიშვილ–კეზერაშვილის კონტროლირებად პოლტიკურ ჯგუფს თავაზობ – ამით ივანიშვილის გაიხანგრძლივებს მიტაცებულ მმართველობას და სააკაშვილის პატიმრობაც ხანგრძლივდება.
კომენტარები