“მინისტრების დიდი ნაწილი ამ ფორმას არ აცმევს შვილს, რადგან კერძო სკოლებს ირჩევს” – სალომე სიმონია

სამოქალაქო აქტივისტი, სალომე სიმონია:

მინისტრებისა და დეპუტატების დიდი ნაწილი ამ ფორმას არ აცმევს შვილს, რადგან კერძო სკოლებს ირჩევენ.

ჯერ “ქართულმა ოცნებამ” ბავშვებს სკოლებისა და ბაღების აშენებისთვის განკუთვნილი თანხები მოჰპარა.

მერე 45 მლნ. დახარჯეს იმაში, რომ ბავშვები ამ უხარისხო, მოუხერხებელ შარვალ-კოსტუმში გამოწყობილები, მინისტრებივით ისხდნენ მთელი დღე.

ბავშვების დიდი ნაწილი ისევ შეშის ღუმელით თბება სკოლაში, საკვები არ აქვთ, მოუწესრიგებელი ტუალეტებით, სრულ ანტისანიტარიაში არიან.

352 სკოლისა და ბაღის წყალში სურსათის ეროვნულმა სააგენტომ E.coli აღმოაჩინა, რაც ფეკალიებით დაბინძურებულ წყალს ნიშნავს.

280 000 პატარა შემწეობის შემყურეა და ამ დროს, ფორმისთვის იცლის განათლების სამინისტრო. ოცნება ასე ცდილობს უბედურების შელამაზებას.

იგივეა, მშობელმა ავადმყოფ შვილს მკურნალობის ნაცვლად მაკიჟი გაუკეთოს და ეს ვინმეს ადეკვატურ და ნორმალურ მოქმედებად მოეჩვენოს.