“მინდა იცოდეთ, ეს არის სიმართლე…” – ლევან იოსელიანი

დეპუტატი, “მოქალაქეების” ერთ-ერთი ლიდერი, ლევან იოსელიანი, სოციალურ ქსელში, წერს:

“ამის თქმის გამო, დღეს ლამისაა ანათემას გადამცეს, მაგრამ მინდა იცოდეთ, რომ ვადამდელი არჩევნების გულწრფელი გულშემატკივარი, ერთი პარტიის გარდა, საპარლამენტო ოპოზიციაში არავინაა და ეს ერთი პარტია ნაციონალური მოძრაობა არ არის. უბრალოდ ზოგი ბედავს ამის თქმას და ზოგი ვერა. ეს არის სიმართლე….”

შეგახსენებთ, დღეს ლევან იოსელიანმა, თქვა:

“რიგგარეშე არჩევნებთან დაკავშირებით, იცით, მაქვს ცოტა განსხვავებული პოზიცია. მე არ ვარ რიგგარეშე არჩევნების მოწინააღმდეგე, თუმცა, თუ ეს არჩევნები არ დაინიშნება, მე ამის გამო ნამდვილად არ შემოვირტყამ თავში ხელს და არ ვიტყვი – უი, ეს რა დაგვემართა. ამ ქვეყანას სჭირდება სიმშვიდე და განვითარება. განუწყვეტლივ არჩევნებში და წინასაარჩევნო პერიოდში ყოფნა არ გვაძლევს საშუალებას, ვკონცენტრირდეთ უფრო მნიშვნელოვან საკითხებზე, რისი საჭიროებაც აქვთ ჩვენს “მოქალაქეებს”. თუ ჩაინიშნება რიგგარეშე არჩევნები, ჩვენი გადმოსახედიდან, თუ არ გაუმჯობესდება ჩვენი შედეგები და კიდევ უფრო მეტი დეპუტატი არ შემოვალთ პარლამენტში, არ გაუარესდება და თუ არ ჩაინიშნება, ვერც ამაში ვხედავთ პრობლემას”