“მინდა, ჩემი აზრით, ნაკრების იდეალური განლაგება წარმოგიდგინოთ” – მერაბ მეტრეველი

აქამდე ნაკრები 3-5-2 ტაქტიკური სქემით თამაშობდა, თუმცა ამ სქემაში ორი პრობლემა გამოიკვეთა: კვარა ფორვარდის პოზიციაზე თავისი თვისებების ნახევარს ვერ იყენებს, რადგა ძალიან წინაა და ბურთი ნაკლებად მისდის, ჩაკვე კი ძალიან უკანაა და ისიც კარგავს ეფექტურობის ნახევარს, რადგან შეტევებისთვის ვეღარ იცლის, ამიტომ მგონია უკეთესი ეს განლაგება: 3-4-2-1.

ეს არაა მთლად 3-4-3, რადგან ხვიჩა და ჩაკვე გარემარბედ არ გავამწესე. უფრო ცენტრში შემოვწიე. ასე მათ მეტი გასაქანი ექნებათ, თუ მოუნდებათ ფალანგებზე გადავლენ და იქედან დაიწყებენ შეტევას, მოუნდებათ ცენტრიდან შეუტევენ.

ვიცი მკითხავთ, კვარა მარჯვნივ რატომ დააყენე, ის ხომ კლუბში მარცხნიდან თამაშობსო? მასე ჩაკვეც მარცხნიდან თამაშობს და ორივეს ერთ მხარეს ხომ ვერ დავაყენებდი?  მე მიმაჩნია, რომ კვარა უფრო ინარჩუნებს ეფექტურობას, როდესაც მარჯვნივ გადადის, ვიდრე ჩაკვე, თუმცა შეუძლიათ ცვალონ კიდეც მხარეები თამაშის დროს.