“ნაციონალური მოძრაობა” მოქალაქეების მობილიზაციას იწყებს,” – ამის შესახებ პარტიის ერთ-ერთმა ლიდერმა აკაკი მინაშვილმა ჟურნალისტებს პარტიის ოფისში განუცხადა.
მისი თქმით, უნდა დასრულდეს პოლიტიკური დევნა, სასამართლო უნდა იყოს სამართლიანი, პროკურატურა დამოუკიდებელი, სუს-ი კი უნდა გაუქმდეს იმ ფორმით, რა ფორმითაც არის.
როგორც მინაშვილი აღნიშნავს, კონკრეტულ დეტლებს საზოგადოება „ნაციონალური მოძრაობის” პოლიტიკური საბჭოს სხდომის შემდეგ გაიგებს, რომელიც მისი თქმით, დღეს გაიმართება.
„პირველ რიგში, ჩვენი ქვეყნის და მოქალაქეების წინაშე რამდენიმე, ძალიან მნიშვნელოვანი პრიორიტეტია, ძალიან მწვავე საკითხია გადასაწყვეტი – ქვეყანა გამოსაყვანია რთული ვითარებიდან. ვხედავთ, რომ წინსვლის და განვითარების პერსპექტივა არ ჩანს ამ ვითარებისა და ამ ხელისუფლების პირობებში. ქვეყანაში არის ფართომასშტაბიანი პოლიტიკური დევნა და საქართველოს მესამე პრეზიდენტი პატიმრობაშია. ამიტომ, ჩვენ, ოპოზიციურმა პოლიტიკურმა პარტიებმა, პირველ რიგში, უნდა მოვახდინოთ მეტი ორგანიზება, მეტი თანმიმდევრული ნაბიჯები, იმისათვის, რომ ცვლილებები მოვახდინოთ, რათა ქვეყანას გაუჩნდეს წინსვლის და განვითარების შანსი.
პირველ რიგში, ამისათვის საჭიროა დასრულდეს პოლიტიკური დევნა, უნდა იყოს სამართლიანი სასამართლო, დამოუკიდებელი პროკურატურა, სუს-ი უნდა გაუქმდეს იმ ფორმით, რა ფორმითაც არის და ჩატარდეს არჩევნები. ამისათვის მნიშვნელოვანია პარტიული აქტივობა, ჩვენი მოქალაქეების მობილიზაცია. ამ დღეების განმავლობაში “ნაციონალური მოძრაობა” ვაანალიზებთ ყველა იმ გამოცდილებას, რაც გვქონდა შარშან, მათ შორის, იმ ხარვეზებს რაც შეიძლება ყოფილიყო”, – აცხადებს მინაშვილი.
კომენტარები