ჟურნალისტი ბონდო მძინარაშვილი რუსეთ-უკრაინის ომის ფონზე, სურსათის შესაძლო დეფიციტის გამო ატეხილ აჟიოტაჟს ეხმიანება:
„მივხვდი, სხვადასხვა პროდუქტს რატომ ყიდულობენ ისტერიულად, – სხვანაირად არ შეუძლიათ ნერვების დამშვიდება. რაღაცით უნდა დაკავდნენ, ყველაზე სერიოზული საქმე კი ოჯახის საკვებით უზრუნველყოფაა თუნდაც წარმოსახვითი საფრთხეების დროს, თორემ მხოლოდ შაქრის მარაგი როგორ გადაგარჩენს, თუკი პროდუქტების სერიოზული დეფიციტი იქნება?!
ყველა ხვდება, განა ვერა, მაგრამ ვიღაცას შაქრის ყიდვა შეუძლია, ვიღაც ბუტიკებს ჩამოუვლის, ვიღაც კი ორივესთვის მოიცლის.
ნუ დაძრახავთ ადამიანებს, რომლებიც საკუთარი მნიშვნელობის შეგრძნების დაბრუნებას ცდილობენ, – ეს ადამიანის ბუნებრივი რეაქციაა გარე გამღიზიანებლებზე.
მიმოიხედეთ ირგვლივ, – რა დღეში აქვს ხალხს ნერვები!“- წერს მძინარაშვილი სოციალურ ქსელში.
კომენტარები