უკრაინის შინაგან საქმეთა მინისტრის მრჩეველმა, ანტონ გერაშჩენკოს ინფორმაციით, ყოფილი დეპუტატი დავით ჟვანია ზაპოროჟიეს ოლქში “ნაცრისფერ ზონაში” დაბომბვისას დაიღუპა.
,,ყოფილი სახალხო დეპუტატი დღეს, ზაპოროჟიეს ოლქში, სოფელ ნოვოპოკროვკასთან ოკუპანტების საგუშაგოსთან საარტილერიო დაბომბვის შედეგად დაიღუპა.
ცნობილია ისიც, რომ ჟვანიას რუსეთის მოქალაქეობა ჰქონდა და იყო “როსატომის” არაოფიციალური წარმომადგენელი”, წერს ის ტელეგრამზე.
დავით ჟვანია 1967 წელს დაიბადა, თბილისის 61-სკოლა დაამთავრა, შემდეგ სახელმწიფო უნივერსიტეტში ეკონომისტის პროფესიას დაეუფლა. საბჭოთა ჯარში იმსახურა თურმე. 1991 წელს კი საცხოვრებლად უკრაინაში გადავიდა, სადაც ერთ-ერთ ადგილობრივ კომპანიაში – “სავაჭრო სახლი”, მენეჯერად დაიწყო მუშაობა. სწრაფად მიიწევდა თურმე კარიერულ კიბეზე და ჯერ ამავე კომპანიის ფინანსური დირექტორი გახდა, შემდეგ კი სხვა კომპანიას, “ბრინკფორდ კონს ლიმიტედის” პრეზიდენტი.
მილიონერი ბიზნესმენის, დავით ჟვანიას პოლიტიკური კარიერა 2002 წლიდან იწყება. უკრაინის უმაღლეს რადაში ის ბლოკ “ნაშა უკრაიანას” სიით მოხვდა. ოფიციალურ ცნობებში არ წერია, მაგრამ აქვე დავამატებ, რომ ის უკრაინის ყოფილი პრეზიდენტის, ვიქტორ იუშენკოს საარჩევნო შტაბის ერთ-ერთი ხელმძღვანელი იყო. დეპუტატის რანგში დავით ჟვანიამ ორგანიზებულ დანაშაულთან და კორუფციასთან ბრძოლის კომიტეტი ჩაიბარა. 2005-ში კი იულია ტიმოშენკოს მთვარობაში კი საგანგებო სიტუაციების სამინისტროს თავკაცობდა.
კომენტარები