მიხეილ სააკაშვილის სოლიდარობის აქციას მოსკოვშიც შეუერთდნენ – ფოტოს ტვიტერზე მიხეილ სააკაშვილის უკრაინის ოფისის ხელმძღვანელი, მარია ბარაბშ ავრცელებს. ფოტოზე ქალის სახე არ ჩანს, თუმცა მას ხელში უჭირავს პლაკატი წარწერით – SAVE MISHA.
შეგახსენებთ, საქართველოს მესამე პრეზიდენტის მხარდამჭერი აქციები მსოფლიოს სხვადასხვა ქვეყანაში, რამდენიმე ქალაქში მიმდინარეობს. საქართველოს საელჩოებთან შეკრებილი მოქალაქეები ითხოვენ, მიხეილ სააკაშვილს მიეცეს სრულფასოვანი მკურნალობის კურსის ჩატარების შესაძლებლობა საზღვარგარეთ კლინიკაში გადაყვანის გზით.
გლობალური აქციის ინიციატორები პუტინის რეჟიმთან დაპირისპირებული რუსი უფლებადამცველი მარკ ფეიგინი და უკრაინის პრეზიდენტის ადმინისტრაციის უფროსის მრჩეველი, ოლექსი არესტოვიჩი არიან.
„მთავარი არხი“
კომენტარები