მიხეილ სააკაშვილი ვერ იღებს საკვებს, 80% საკვების იყრება ნაგავში – ამის შესახებ ადვოკატმა დიმიტრი საძაგლიშვილმა მიხეილ სააკაშვილის მონახულების შემდეგ განაცხადა. მისი თქმით, ხანგრძლივი შიმშილობის შემდეგ, სააკაშვილის ორგანიზმი საკვების მისაღებად მზად არ არის.
ორივე კონსილიუმის მიმართ გვსურს ჩვენი პატივისცემა და ნდობა გამოვხატოთ. მიხეილ სააკაშვილი ვერ იღებს საკვებს, 80% საკვების იყრება ნაგავში, რადგან მისი ორგანიზმი საკვების მისაღებად მზად არ არის. გაგვიხარდებოდა, რომ ექიმის განცხადება სააკაშვილის ჯანმრთელობასთან დაკავშირებით სიმართლე იყოს.
უნდა გვესმოდეს, რომ ყველაფერი კარგად არ არის და ვერ იქნება, ვინაიდან, იმ არაადამიანური მოპყრობის და წამების შემდეგ, რაც სააკაშვილმა გაიარა, რეაბილიტაციის პროცესი არ იქნება მარტივი და მას ჯანმრთელობასთან დაკავშირებით საკმაოდ ფუნდამენტური პრობლემები აქვს”- თქვა ადვოკატმა.
კომენტარები